ನಿರ್ದೇಶಕ ರಾಮ್ ಗೋಪಾಲ್ ವರ್ಮಾರ ಮೊದಲ ಲವರ್ ಇವರೆಯಂತೆ !

ಹೈದರಾಬಾದ್ : ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ತಮ್ಮ ವಿಶಿಷ್ಟ, ವಿಭಿನ್ನ ಮ್ಯಾನರಿಸಂನಿಂದಲೇ ಸಾಕಷ್ಟು ಸುದ್ದಿಯಲ್ಲಿರುತ್ತಾರೆ. ವಿವಾದಾತ್ಮಕ ಟ್ವೀಟ್ ಗಳು, ತಲೆ-ಬುಡ ಇಲ್ಲದ ಕಾಮೆಂಟ್ ಗಳಿಂದ ಆಗಾಗ ಗಮನ ಸೆಳೆಯುವ ಆರ್.ಜಿ.ವಿ ಇದೀಗ ಇವಳೇ ನನ್ನ ಮೊದಲ ಲವರ್ ಎಂದು ಟ್ವೀಟ್ ಮಾಡಿದ್ದಾರೆ. ಜೊತಗೆ ತನ್ನ ಫಸ್ಟ್ ಕ್ರಷ್ ನ ಫೋಟೊ ಕೂಡ ಹಂಚಿಕೊಂಡಿದ್ದಾರೆ.

ವರ್ಮಾ ಹಂಚಿಕೊಂಡಿರುವ ಮಹಿಳೆಯ ಹೆಸರು ಪೋಲವಾರಪು ಸತ್ಯಾ ಎಂದು ಹೇಳಿದ್ದಾರೆ. ನಾನು ಕಾಲೇಜು ದಿನಗಳಲ್ಲಿ ಈಕೆಯನ್ನು ಪ್ರೀತಿ ಮಾಡುತ್ತಿದ್ದೆ. ನನ್ನ ಕ್ಷಣ ಕ್ಷಣಂ ಮತ್ತು ರಂಗೀಲಾ ಸಿನಿಮಾಗೆ ಸತ್ಯಾ ಅವರೇ ಸ್ಪೂರ್ತಿ ಎಂದು ಬರೆದುಕೊಂಡಿದ್ದಾರೆ.

ಪ್ರಸ್ತುತ ಸತ್ಯಾ ಅವರು ಅಮೆರಿಕದಲ್ಲಿ ನೆಲೆಸಿದ್ದು ಅವರೇ ಈ ಫೋಟೊಗಳನ್ನು ನನಗೆ ಕಳುಹಿಸಿಕೊಟ್ಟಿದ್ದಾರೆ ಎಂದು ವರ್ಮಾ ಹೇಳಿದ್ದಾರೆ. ನಾನು ಎಂಜಿನಿಯರಿಂಗ್‌ ಕಾಲೇಜಿನಲ್ಲಿ ಓದುವಾಗ ಸತ್ಯಾ ಅವರನ್ನು ಪ್ರೀತಿ ಮಾಡುತ್ತಿದೆ. 90ರ ದಶಕದಲ್ಲಿ ನಿರ್ದೇಶನ ಮಾಡಿದ್ದ ಸತ್ಯಾ ಸಿನಿಮಾಗೆ ನನ್ನ ಲವರ್‌ ಹೆಸರು ಇಡಲಾಗಿತ್ತು ಎಂದು ಹೇಳಿದ್ದಾರೆ.

ಪೋಲವಾರಪು ಸತ್ಯಾ ಅವರ ಹಲವು ಬಗೆಯ ಫೋಟೊಗಳನ್ನು ಟ್ವೀಟರಿನಲ್ಲಿ ಹಂಚಿಕೊಂಡಿರುವ ರಾಮ್ ಗೋಪಾಲ್ ವರ್ಮಾ, ಸಾಕಷ್ಟು ವಿಚಾರಗಳನ್ನು ಹಂಚಿಕೊಂಡಿದ್ದಾರೆ. ಆದರೆ, ವರ್ಮಾ ಹೇಳಿರುವ ಮಾತು ಎಷ್ಟು ಸತ್ಯ ಎಂಬುದು ಮಾತ್ರ ಯಾರಿಗೂ ಗೊತ್ತಿಲ್ಲ.

ಇನ್ನು ಕಳೆದ ವಾರ ವರ್ಮಾ, ನಟಿ ಹಾಗೂ ಮಾಡೆಲ್ ಇನಾಯಾ ಸುಲ್ತಾನ ಜತೆ ಮನಬಂದಂತೆ ನೃತ್ಯ ಮಾಡಿ ಬಳಿಕ ಅವರ ಕಾಲಿಗೆ ಬಿದ್ದು ವಿಚಿತ್ರವಾಗಿ ವರ್ತಿಸಿದ್ದರು. ಈ ವಿಡಿಯೊವನ್ನು ಅವರೇ ಹಂಚಿಕೊಂಡಿದ್ದರು. ಆದರೆ ಆ ವಿಡಿಯೊದಲ್ಲಿ ಇರುವ ವ್ಯಕ್ತಿ ನಾನಲ್ಲ, ಅದು ಅಮೆರಿಕ ಅಧ್ಯಕ್ಷ ಬೈಡನ್ ಎಂದಿದ್ದರು.