ಪ್ರಧಾನಿ ವಿರುದ್ಧ ಆಕ್ಷೇಪಾರ್ಹ ಕಮೆಂಟ್ : ಸಂಸತ್‌ ಅಧಿಕಾರಿಗೆ ಹಿಂಭಡ್ತಿ

ಹೊಸದಿಲ್ಲಿ: ಪ್ರಧಾನಿ ನರೇಂದ್ರ ಮೋದಿ, ಕೇಂದ್ರ ಸಂಪುಟದ ಕೆಲವು ಸಚಿವರು, ಮುಖ್ಯಮಂತ್ರಿಗಳ ವಿರುದ್ಧ ಆಕ್ಷೇಪಾರ್ಹ ಕಮೆಂಟ್‌ಗಳನ್ನು ಹಂಚಿಕೊಂಡ ಆರೋಪದ ಹಿನ್ನೆಲೆಯಲ್ಲಿ ಸಂಸತ್‌ನ ಭದ್ರತಾ ವಿಭಾಗದ ಉಪ ನಿರ್ದೇಶಕ ಉರ್ಜುಲ್‌ ಹಸನ್‌ಗೆ ಹಿಂಭಡ್ತಿ ನೀಡಲಾಗಿದೆ.

ಐದು ವರ್ಷಗಳವರೆಗೆ ಈ ನಿಯಮ ಜಾರಿಯಲ್ಲಿ ಇರಲಿದೆ. ಅದರ ಅನ್ವಯ ಅವರಿಗೆ ವೇತನದಲ್ಲಿ ಏರಿಕೆ ಸೇರಿದಂತೆ ಯಾವುದೇ ಸವಲತ್ತು ಸಿಗುವುದಿಲ್ಲ. ಇಂಥ ಕ್ರಮ ಇದೇ ಮೊದಲನೆಯದ್ದು ಎಂದು ವಿಶ್ಲೇಷಿಸಲಾಗುತ್ತಿದೆ. 2018ರ ಜೂನ್‌ನಲ್ಲಿ ಹಸನ್‌ರನ್ನು ಸಸ್ಪೆಂಡ್‌ ಮಾಡಲಾಗಿತ್ತು. ಶಿಸ್ತಿನ ಕ್ರಮದ ಬಗ್ಗೆ ರಾಜ್ಯಸಭಾ ಕಾರ್ಯಾಲಯ ಪ್ರಕಟಣೆ ನೀಡಿದೆ.