ಬಾಲಿವುಡ್ ನಟನ ಪಾನ್ ಕಾರ್ಡ್ ದುರ್ಬಳಕೆ ಮಾಡಿ 2500 ರೂ ಸಾಲ!

ಮುಂಬಯಿ: ಸಾಲ ಪಡೆಯಲು ತನ್ನ ಪಾನ್ ಕಾರ್ಡ್ ದುರ್ಬಳಕೆ ಮಾಡಿಕೊಳ್ಳಲಾಗಿದ್ದು, ವಂಚನೆಗೆ ಬಲಿಯಾಗಿದ್ದೇನೆ ಎಂದು ನಟ ರಾಜ್‌ಕುಮಾರ್ ರಾವ್ ಶನಿವಾರ ಹೇಳಿದ್ದಾರೆ.

ಈ ವಂಚನೆಯಿಂದಾಗಿ 37 ರ ಹರೆಯದ ನಟನ ಕ್ರೆಡಿಟ್ ಸ್ಕೋರ್ ಮೇಲೆ ಪರಿಣಾಮ ಬೀರಿದೆ. ಕ್ರೆಡಿಟ್ ಇನ್ಫೋರ್ಮೇಷನ್ ಬ್ಯೂರೋ ಇಂಡಿಯಾ ಲಿಮಿಟೆಡ್ (CIBIL) ನಲ್ಲಿನ ಅಧಿಕಾರಿಗಳನ್ನು ಈ ವಿಷಯವನ್ನು ಪರಿಶೀಲಿಸುವಂತೆ ಕೇಳಿಕೊಂಡಿದ್ದಾರೆ.

”#FraudAlert ನನ್ನ ಪಾನ್ ಕಾರ್ಡ್ ಅನ್ನು ದುರುಪಯೋಗಪಡಿಸಿಕೊಳ್ಳಲಾಗಿದೆ ಮತ್ತು ನನ್ನ ಹೆಸರಿನಲ್ಲಿ ರೂ.2500 ಸಣ್ಣ ಸಾಲವನ್ನು ತೆಗೆದುಕೊಳ್ಳಲಾಗಿದೆ. ಇದರಿಂದಾಗಿ ನನ್ನ ಸಿಬಿಲ್ ಸ್ಕೋರ್ ಮೇಲೆ ಪರಿಣಾಮ ಬೀರಿದೆ. ಸಿಬಿಲ್ ಕಚೇರಿ ದಯವಿಟ್ಟು ಇದನ್ನು ಸರಿಪಡಿಸಿ ಮತ್ತು ಇದರ ವಿರುದ್ಧ ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಳ್ಳಿ” ಎಂದು ರಾವ್ ಟ್ವೀಟ್ ಮಾಡಿದ್ದಾರೆ. ಸಿಬಿಲ್ ನ ಅಧಿಕೃತ ಟ್ವಿಟರ್ ಖಾತೆಯು ನಟನಿಗೆ ಇನ್ನೂ ಉತ್ತರಿಸಿಲ್ಲ.

ರಾವ್ ಅವರು “ಹಿಟ್”, “ಮೋನಿಕಾ, ಓ ಮೈ ಡಾರ್ಲಿಂಗ್” ಮತ್ತು “ಭೀದ್” ನಂತಹ ಚಿತ್ರಗಳಲ್ಲಿ ಬ್ಯುಸಿಯಾಗಿದ್ದು, ಇವೆಲ್ಲವೂ ಈ ವರ್ಷ ಬಿಡುಗಡೆಯಾಗುವ ನಿರೀಕ್ಷೆಯಿದೆ.