ಬಿಜೆಪಿ ಡೇಂಜರ್‌ ಪಕ್ಷವೇ? ನಟ,ರಾಜಕಾರಣಿ ರಜನಿಕಾಂತ್‌ ಹೇಳಿದ್ದೇನು? 

ಚೆನ್ನೈ: ಬಿಜೆಪಿ ದೇಶಕ್ಕೆ ಅಪಾಯಕಾರಿ ಪಕ್ಷವೇ ಎಂಬ ಪ್ರಶ್ನೆಗೆ ನಟ, ರಾಜಕಾರಣಿ ರಜನಿಕಾಂತ್‌ ಅಸ್ಪಷ್ಟ ಉತ್ತರ ನೀಡುವ ಮೂಲಕ ರಾಜಕಾರಣದಲ್ಲಿ ಕುತೂಹಲ ಮೂಡಿಸಿದ್ದಾರೆ. ಮಾತ್ರವಲ್ಲದೆ. ನಾನಿನ್ನೂ ಪೂರ್ಣ ಪ್ರಮಾಣದ ರಾಜಕಾರಣಿಯಾಗಿಲ್ಲ ಎಂದಿದ್ದಾರೆ.

ಬಿಜೆಪಿ ವಿರೋಧಿ ಮೈತ್ರಿಕೂಟ ರಚನೆ ಕುರಿತಾಗಿ ಸುದ್ದಿಗಾರ ಪ್ರಶ್ನೆಗೆ ಉತ್ತರಿಸಿದ ಅವರು ಹೇಳಿಕೆ ನೀಡಿದ್ದು, ವಿರೋಧ ಪಕ್ಷಗಳು ಬಿಜೆಪಿಯನ್ನು  ಅಪಾಯಕಾರಿ ಎನ್ನುವ ಬಗೆ ನನಗೆ ಅರ್ಥವಾಗಿದೆ. ಅದನ್ನು ಜನತೆ ನಿರ್ಧರಿಸಲಿದ್ದಾರೆ.10 ಜನರು ಒಬ್ಬ ವ್ಯಕ್ತಿಯ ವಿರುದ್ಧ ಹೋದರೆ, ನೀವು ನಿರ್ಧರಿಸಿ ಯಾರು ಪ್ರಬಲ ಎಂದು ಹೇಳಿದರು.

ಕೆಲವರು ಹೇಳುತ್ತಿದ್ದಾರೆ ಬಿಜೆಪಿ ನನ್ನ ಹಿಂದೆ ಇದೆ ಎಂದು. ಅದು ಸುಳ್ಳು.ನನ್ನ ಹಿಂದೆ ಕೇವಲ ದೇವರು ಮತ್ತು ಜನರು ಮಾತ್ರ ಇದ್ದಾರೆ ಎಂದರು.