ದಂತಾ ರಾಮಗಡ ವಿಧಾನಸಭಾ ಕ್ಷೇತ್ರದಲ್ಲಿ ನಡೆದಿರುವ ಬೆಳವಣಿಗೆಯಿದು. ಹಲವು ವರ್ಷಗಳಿಂದಲೂ ವೀರೇಂದ್ರ ಸಿಂಗ್‌ ಕುಟುಂಬ ಕಾಂಗ್ರೆಸ್‌ ಜತೆಗೇ ಇದೆ. ವೀರೇಂದ್ರ ಅವರ ಪತ್ನಿ ಈ ಬಾರಿ ರಾಮಗಡದ ಟಿಕೆಟ್‌ ನನಗೇ ಕೊಡಬೇಕು ಎಂದು ಕಾಂಗ್ರೆಸ್‌ ನಾಯಕರಿಗೆ ದುಂಬಾಲು ಬಿದ್ದಿದ್ದರು.
Advertisement
ಆದರೆ ಅವರ ಕೋರಿಕೆ ಯನ್ನು ತಿರಸ್ಕರಿಸಿದ ಪಕ್ಷ ಪತಿ ವೀರೇಂದ್ರ ಅವರಿಗೆ ಟಿಕೆಟ್‌ ನೀಡುವುದಾಗಿ ಹೇಳಿತ್ತು. ಇದರಿಂದ ಸಿಟ್ಟಿಗೆದ್ದ ಆಕೆ, ಜನನಾಯಕ ಜನತಾ ಪಾರ್ಟಿಗೆ ಸೇರ್ಪಡೆಯಾಗಿ, ಆ ಪಕ್ಷದ ಟಿಕೆಟ್‌ ಗಿಟ್ಟಿಸಿಕೊಂಡಿದ್ದಾರೆ. ಈಗ ಒಂದೇ ಕ್ಷೇತ್ರದಲ್ಲಿ ಪತಿ-ಪತ್ನಿ ನಡುವೆ “ರಾಜಕೀಯ ಜಟಾಪಟಿ’ ನಡೆಯುವ ಸಾಧ್ಯತೆಯಿದೆ. ಕ್ಷೇತ್ರದ ಜನ ಪತಿ ಪರವೋ, ಪತ್ನಿ ಪರವೋ ನೋಡಬೇಕು!