ರಾಜಸ್ಥಾನ ವಿಧಾನಸಭೆ ಚುನಾವಣೆಗೆ ಮುನ್ನ 131 ಅಧಿಕಾರಿಗಳ ವರ್ಗಾವಣೆ

ಜೈಪುರ : ಈ ವರ್ಷಾಂತ್ಯ ರಾಜ್ಯ ವಿಧಾನಸಭೆ ಚುನಾವಣೆ ನಡೆಯಲಿದ್ದು ಅದಕ್ಕೆ ಪೂರ್ವಭಾವಿ ಎಂಬಂತೆ ರಾಜಸ್ಥಾನ ಸರಕಾರ ಇಂದು ನಾಲ್ಕು ಐಎಎಸ್‌, 34 ಐಪಿಎಸ್‌ ಮತ್ತು 93 ಆರ್‌ಎಎಸ್‌ ಅಧಿಕಾರಿಗಳು ಸೇರಿದಂತೆ ಒಟ್ಟು 131 ಉನ್ನತ ಅಧಿಕಾರಿಗಳನ್ನು ವರ್ಗಾಯಿಸಿ ಆದೇಶ ಹೊರಡಿಸಿದೆ. 

ಇಬ್ಬರು ಐಎಎಸ್‌, ಇಬ್ಬರು ಐಪಿಎಸ್‌, ಮೂವರು ರಾಜಸ್ಥಾನ್‌ ಅಡ್ಮಿನಿಸ್ಟ್ರೇಟಿವ್‌ ಸರ್ವಿಸ್‌ ಅಧಿಕಾರಿಗಳ ವರ್ಗಾವಣೆ ಆದೇಶವನ್ನು ಸರಕಾರ ನಿನ್ನೆಯಷ್ಟೇ ರದ್ದು ಮಾಡಿತ್ತು. ಅಂತೆಯೇ 22 ಆರ್‌ಎಎಸ್‌ ಅಧಿಕಾರಿಗಳ ವರ್ಗಾವಣೆಯನ್ನು ನಿರೀಕ್ಷಣೆ ನಿಯೋಜನೆ ಆದೇಶದಡಿ ಇರಿಸಲಾಗಿತ್ತು.