ರಾಜಸ್ಥಾನದ 1.35 ಕೋಟಿ ಮಹಿಳೆಯರಿಗೆ ಉಚಿತ ಸ್ಮಾರ್ಟ್‌ಫೋನ್‌!

ಜೈಪುರ: ರಾಜಸ್ಥಾನದ 1.35 ಕೋಟಿ ಮಹಿಳೆಯರಿಗೆ ರಾಜ್ಯ ಸರ್ಕಾರ ಉಚಿತ ಸ್ಮಾರ್ಟ್‌ಫೋನ್‌ಗಳನ್ನು ನೀಡುವುದಕ್ಕೆ ಸಿದ್ಧತೆ ನಡೆಸಿದೆ.

ಈ “ಮುಖ್ಯಮಂತ್ರಿ ಡಿಜಿಟಲ್‌ ಸೇವಾ ಯೋಜನೆ’ಗಾಗಿ ಮೊಬೈಲ್‌ ಸಂಸ್ಥೆಗಳಿಗೆ ಟೆಂಡರ್‌ ಅನ್ನೂ ಕರೆಯಲಾಗಿದೆ.

ಚಿರಂಜೀವಿ ಆರೋಗ್ಯ ವಿಮೆ ಯೋಜನೆ ಫ‌ಲಾನುಭವಿ ಕುಟುಂಬದ ಹೆಣ್ಣು ಮಕ್ಕಳಿಗೆ ಈ ಸ್ಮಾರ್ಟ್‌ಫೋನ್‌ ಸಿಗಲಿದೆ.

ಎರಡು ಸಿಮ್‌ ಸ್ಲಾಟ್‌ ಇರಲಿರುವ ಫೋನ್‌ನಲ್ಲಿ ಒಂದು ಸಿಮ್‌ ಅನ್ನು ಸರ್ಕಾರವೇ ಹಾಕಿಕೊಡಲಿದೆ.

ಹಾಗೆಯೇ ಈ ಮೊಬೈಲ್‌ ಬಳಸುವವರಿಗೆ 3 ವರ್ಷಗಳ ಕಾಲ ಉಚಿತ ಇಂಟರ್‌ನೆಟ್‌ ಕೂಡ ಸಿಗಲಿದೆ. ಈ ವರ್ಷದ ಬಜೆಟ್‌ನಲ್ಲಿ ಮುಖ್ಯಮಂತ್ರಿಗಳು ಈ ಯೋಜನೆ ಬಗ್ಗೆ ಘೋಷಿಸಿದ್ದರು.