ಬಾಲಿವುಡ್ ದಂತಕತೆ ರಾಜ್ ಕಪೂರ್ ಪತ್ನಿ ಕೃಷ್ಣಾ ಕಪೂರ್ ವಿಧಿವಶ

ಮುಂಬೈ: ಭಾರತೀಯ ಹಿಂದಿ ಚಿತ್ರರಂಗದ ದಂತಕತೆ, ನಟ, ನಿರ್ಮಾಪಕ ಹಾಗೂ ನಿರ್ದೇಶಕರಾಗಿದ್ದ ದಿ.ರಾಜ್ ಕಪೂರ್ ಅವರ ಪತ್ನಿ ಕೃಷ್ಣಾ ರಾಜ್ ಕಪೂರ್(87ವರ್ಷ) ಅವರು ಸೋಮವಾರ ನಿಧನರಾಗಿರುವುದಾಗಿ ಕುಟುಂಬದ ಮೂಲಗಳು ತಿಳಿಸಿವೆ.

ಹಿರಿಯ ಪುತ್ರ ರಣಧೀರ್ ಕಪೂರ್ , ಇಂದು ಮುಂಜಾನೆ 5ಗಂಟೆ ಸುಮಾರಿಗೆ ನನ್ನ ತಾಯಿ ಹೃದಯ ಸ್ತಂಭನದಿಂದ ಕೊನೆಯುಸಿರೆಳೆದಿದ್ದಾರೆ. ಅವರ ಅಗಲುವಿಕೆ ತುಂಬಾ ನೋವನ್ನುಂಟು ಮಾಡಿರುವುದಾಗಿ ತಿಳಿಸಿದ್ದಾರೆ.

ರಾಜ್ ಕಪೂರ್ ಅವರು 1946ರಲ್ಲಿ ಕೃಷ್ಣಾ ಮಲೋತ್ರಾ ಅವರನ್ನು ವಿವಾಹವಾಗಿದ್ದರು. ಕಪೂರ್ ದಂಪತಿಗೆ ರಣಧೀರ್ ಕಪೂರ್, ರಿಷಿ ಕಪೂರ್, ರಾಜೀವ್ ಕಪೂರ್ ಹಾಗೂ ರಿಮಾ ಜೈನ್, ರಿತು ನಂದಾ ಸೇರಿದಂತೆ ಐವರು ಮಕ್ಕಳು. ರಣಬೀರ್ ಕಪೂರ್, ಕರೀನಾ ಕಪೂರ್ ಮತ್ತು ಕರೀಷ್ಮಾ ಕಪೂರ್ ಮೊಮ್ಮಕ್ಕಳು.