ಪತ್ರಿಕೆ ಪ್ರೇರಣೆಯಿಂದ ವಸತಿ ಸಮುಚ್ಚಯಕ್ಕೆ ಮಳೆಕೊಯ್ಲು ಅಳವಡಿಕೆ

ಬೇಸಗೆಯಲ್ಲಿ ನೀರಿನ ಕೊರತೆ ವಿಪರೀತವಾಗಿ ಕಾಡಿದ ಹಿನ್ನೆಲೆಯಲ್ಲಿ ಕದ್ರಿ ಹಿಲ್ಸ್ ಬಳಿ ಇರುವ ದೇವ್‌ ಪ್ಯಾರಡೈಸ್‌ ವಸತಿ ಸಮುಚ್ಚಯದಲ್ಲಿ ಮಳೆಕೊಯ್ಲು ಅಳವಡಿಕೆ ಮಾಡಲಾಗಿದೆ.

ನೀರಿನ ಕೊರತೆ ಉಂಟಾದ ಸಮಯದಲ್ಲಿ ಪತ್ರಿಕೆ ಪ್ರಕಟಿಸಿದ ಅಭಿಯಾನದಿಂದ ಪ್ರೇರಣೆಗೊಂಡ ವಿಠ್ಠಲ್ ಶೆಣೈ ಅವರು ವಸತಿ ಸಮುಚ್ಚಯದಲ್ಲಿ ಮಳೆಕೊಯ್ಲು ಅಳವಡಿಸುವ ಬಗ್ಗೆ ಚಿಂತಿಸಿದ್ದಾರೆ. ಅದರಂತೆ ಸೂಕ್ತ ಮಾರ್ಗದರ್ಶನ ಪಡೆದು ಮಳೆಕೊಯ್ಲು ಅಳವಡಿಸಿದ್ದಾರೆ. ವಸತಿ ಸಮುಚ್ಚಯದ 3,500 ಚದರ ಅಡಿ ವಿಸ್ತಾರದ ತಾರಸಿಯಲ್ಲಿ ಬಿದ್ದ ಮಳೆ ನೀರನ್ನು ಫಿಲ್ಟರ್‌ ಮೂಲಕ ಬಾವಿಗೆ ಬಿಡಲಾಗಿದೆ. ಇದಕ್ಕೆ ಸುಮಾರು 40,000 ರೂ. ಖರ್ಚು ತಗಲಿದೆ. ಆದರೆ ಮುಂದಿನ ಬಾರಿ ನೀರಿನ ಸಮಸ್ಯೆ ಎದುರಾಗುವುದಿಲ್ಲ ಎನ್ನುವ ನಂಬಿಕೆ ಇದೆ ಎನ್ನುತ್ತಾರೆ ವಿಠ್ಠಲ್ ಶೆಣೈ ಅವರು.

ಇಂದು ಬಪ್ಪನಾಡಿನಲ್ಲಿ ಮಳೆಕೊಯ್ಲು ಮಾಹಿತಿ
ಬಪ್ಪನಾಡು ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಆಶ್ರಯದಲ್ಲಿ ನಡೆಯುವ ಗಣೇಶೋತ್ಸವ ಕಾರ್ಯಕ್ರಮದ ಅಂಗವಾಗಿ ಸೆ. 4ರಂದು ಸಂಜೆ 6 ಗಂಟೆಗೆ ಮಳೆಕೊಯ್ಲು ಮಾಹಿತಿ ಕಾರ್ಯಾಗಾರ ಆಯೋಜಿಸಲಾಗಿದೆ. ಎಂಜಿನಿಯರ್‌ ಭರತ್‌ ಜೆ. ಅವರು ಮಾಹಿತಿ ನೀಡಲಿದ್ದಾರೆ ಎಂದು ಸಂಘಟಕರು ಪತ್ರಿಕಾ ಪಕ್ರಟನೆಯಲ್ಲಿ ತಿಳಿಸಿದ್ದಾರೆ.