ಗ್ರಾಮೀಣ ರೈಲ್ವೇ ನಿಲ್ದಾಣದಲ್ಲಿ ಇ-ಸೇವಾ ಕೇಂದ್ರ ಆರಂಭ

ನವದೆಹಲಿ: ದೇಶದ ಕುಗ್ರಾಮಗಳಲ್ಲೂ ಜನರಿಗೆ ಕೇಂದ್ರ ಸರ್ಕಾರದ ಯೋಜನೆಗಳ ಕುರಿತಾಗಿ ಇ-ಸೇವೆಗಳನ್ನು ನೀಡುವ ಉದ್ದೇಶದಿಂದ ರೈಲ್ವೇ ಸ್ಟೇಷನ್‌ಗಳಲ್ಲೇ ವೈಫೈ ಹಾಟ್‌ಸ್ಪಾಟ್‌ ಕಿಯೋಸ್ಕ್ ಕೇಂದ್ರಗಳನ್ನು ತೆರೆಯಲು ಉದ್ದೇಶಿಸಲಾಗಿದೆ. 

ದೇಶಾದ್ಯಂತ 500 ಸ್ಟೇಷನ್‌ಗಳಲ್ಲಿ ಇಂತಹ ಕೇಂದ್ರಗಳನ್ನು ರೈಲ್ವೇ ಇಲಾಖೆ ತೆರೆಯಲಿದೆ. “ರೈಲ್‌ವೈರ್‌ ಸಾಥಿ’ ಹೆಸರಿನಡಿ ಈ ಕೇಂದ್ರಗಳನ್ನು ತೆರೆಯುತ್ತಿದ್ದು ಜನರು ಕೇಂದ್ರ ಸರ್ಕಾರದ ಎಲ್ಲಾ ಯೋಜನೆಗಳ ಮಾಹಿತಿ ಅವುಗಳಿಗೆ ಅರ್ಜಿ ಸಲ್ಲಿಕೆ ಜೊತೆಗೆ ಆನ್‌ಲೈನ್‌ ಬ್ಯಾಂಕಿಂಗ್‌, ಅಂತರ್ಜಾಲ ಖರೀದಿ, ಶಾಲಾ-ಕಾಲೇಜುಗಳ ಸೇರ್ಪಡೆಗೆ ಅರ್ಜಿ ಸಲ್ಲಿಕೆ, ವಿಮೆ ಸೌಲಭ್ಯ, ರೈಲು, ಬಸ್‌ಗಳಿಗೆ ಇ-ಟಿಕೆಟ್‌ ಇತ್ಯಾದಿ ಸೌಲಭ್ಯಗಳನ್ನು ಪಡೆಯಬಹುದಾಗಿದೆ. ಇದರೊಂದಿಗೆ ಮೊಬೈಲ್‌ ರಿಜಾರ್ಜ್‌, ಡಿಟಿಎಚ್‌ ರಿಚಾರ್ಜ್‌ ಕೂಡ ಸಾಧ್ಯವಿದೆ.