ರಾಯಚೂರು: ಶಾಸಕ ಶಿವರಾಜ್ ಪಾಟೀಲ್ ಗೆ ಕೋವಿಡ್ ಪಾಸಿಟಿವ್

ರಾಯಚೂರು:  ಬಿಜೆಪಿ ಶಾಸಕ ಡಾ.ಶಿವರಾಜ್ ಪಾಟೀಲ್ ಗೆ ಕೋವಿಡ್ ಸೊಂಕು ತಗುಲಿರುವುದು  ದೃಢಪಟ್ಟಿದೆ. ಗುರುವಾರ  ಪರೀಕ್ಷೆಗೆ ಒಳಪಟ್ಟಿದ್ದ  ಇವರಿಗೆ ಇಂದು ವೈದ್ಯಕೀಯ ವರದಿ ತಲುಪಿದ್ದು  ಪಾಸಿಟಿವ್ ಇರುವುದು ಖಚಿತವಾಗಿದೆ.

ಈ ಬಗ್ಗೆ ಶಾಕರೇ ಖುದ್ದು ಸಂದೇಶ ಹರಿಯಬಿಟ್ಟಿದ್ದು, ನನಗೆ ಕೋವಿಡ್ ಸೋಂಕು ತಗುಲಿದೆ. ಆದರೆ ಯಾವುದೇ ರೋಗ ಲಕ್ಷಣಗಳಿಲ್ಲ. ಸದ್ಯ ಬೆಂಗಳೂರಿನ ಮನೆಯಲ್ಲಿ  ಕ್ವಾರಂಟೈನ್ ಆಗಿದ್ದು, ಕಳೆದ ಕೆಲ ದಿನಗಳಿಂದ ನನ್ನ ಸಂಪರ್ಕದಲ್ಲಿರುವವರು ಪರಿಕ್ಷೆಗೆ ಒಳಗಾಗುವಂತೆ ತಿಳಿಸಿದ್ದಾರೆ.

ಈಗಾಗಲೇ ಸಾಕಷ್ಟು ರಾಜಕಾರಣಿಗಳಿಗೆ,  ಮುಖಂಡರಿಗೆ ಕೋವಿಡ್ ಸೋಂಕು  ತಗುಲಿದ್ದು, ಈಗ ಶಾಸಕ ಶಿವರಾಜ್ ಪಾಟೀಲ್ ಕೂಡ ಆ ಸಾಲಿಗೆ ಸೇರಿದ್ದಾರೆ.