ಪ್ರಧಾನಿ ಹುದ್ದೆಗೆ ಎಂದೂ ಅಗೌರವ ತೋರುವುದಿಲ್ಲ : ರಾಹುಲ್‌ 

ಬನಸ್ಕಾಂತ: ‘ನಾನು ಪ್ರಧಾನಿ ನರೇಂದ್ರ ಮೋದಿ ಅವರ ತಪ್ಪು ಹುಡುಕಿ  ಬಿಜೆಪಿಯನ್ನು ಇಕ್ಕಟ್ಟಿಗೆ ಸಿಲುಕಿಸುತ್ತೇವೆ ಆದರೆ ಎಂದಿಗೂ ಪ್ರಧಾನಿ ಹುದ್ದೆಗೆ ಅಗೌರವ ತೋರುವುದಿಲ್ಲ’ ಎಂದು ಕಾಂಗ್ರೆಸ್‌ ಉಪಾಧ್ಯಕ್ಷ ರಾಹುಲ್‌ ಗಾಂಧಿ ಹೇಳಿದ್ದಾರೆ.

ಭಾನುವಾರ ಬನಸ್ಕಾಂತದಲ್ಲಿ ಪಕ್ಷದ ಪರ ಚುನಾವಣಾ ಸಭೆಯಲ್ಲಿ ಮಾತನಾಡಿದ ರಾಹುಲ್‌ ‘ಮೋದಿ ಅವರು ವಿಪಕ್ಷದಲ್ಲಿದ್ದಾಗ ಪ್ರಧಾನಿ ಹುದ್ದೆಗೆ ಅಗೌರವ ತೋರಿದ್ದರು .ನಾವು ಹಾಗೆ ಮಾಡುವುದಿಲ್ಲ. ಇದು ನಮಗೆ ಮತ್ತು ಅವರಿಗಿರುವ ವ್ಯತ್ಯಾಸ’ಎಂದರು. 

‘ಮೋದಿ ಅವರು ನಮ್ಮ ಬಗ್ಗೆ ಏನೂ ಟೀಕೆ ಮಾಡಿದರೂ ಅಡ್ಡಿ ಇಲ್ಲ.ಆದರೆ ನಾವು ಕೆಲವು ವಿಚಾರಗಳನ್ನು ಮೀರಿ ಹೋಗುವುದಿಲ್ಲ’ ಎಂದರು.