ಕಿರಿಯರ ಕ್ರಿಕೆಟ್‌: ಸಮಿತ್‌ ದ್ರಾವಿಡ್‌ ಆಲ್‌ರೌಂಡ್‌ ಆಟ

ಬೆಂಗಳೂರು: “ಕ್ರಿಕೆಟ್‌ ಗೋಡೆ’ ರಾಹುಲ್‌ ದ್ರಾವಿಡ್‌ ಪುತ್ರ ಸಮಿತ್‌ ದ್ರಾವಿಡ್‌ ಅಂಡರ್‌-14 ಕ್ರಿಕೆಟ್‌ ಕೂಟದಲ್ಲಿ ಆಲ್‌ರೌಂಡ್‌ ಪ್ರದರ್ಶನ ನೀಡಿ ಸುದ್ದಿಯಾಗಿದ್ದಾರೆ.

12 ವರ್ಷದ ಸಮಿತ್‌ ಬೆಂಗಳೂರಿನಲ್ಲಿ ನಡೆದ ಕಾಟೊನಿಯನ್‌ ಶೀಲ್ಡ್‌ ಶಾಲಾ ಕ್ರಿಕೆಟ್‌ ಕೂಟದಲ್ಲಿ ಮಲ್ಯ ಅದಿತಿ ಅಂತಾರಾಷ್ಟ್ರೀಯ ಶಾಲೆಯನ್ನು ಪ್ರತಿನಿಧಿಸಿ ಅರ್ಧ ಶತಕ (51 ರನ್‌) ಸಿಡಿಸಿದರಲ್ಲದೆ ಬೌಲಿಂಗ್‌ ವೇಳೆ 3 ವಿಕೆಟ್‌ ಉರುಳಿಸಿ ಗಮನ ಸೆಳೆದರು. 2018ರ ಆರಂಭದಲ್ಲಿ ಬಿಟಿಡಬ್ಲ್ಯು ಕಪ್‌ ಕ್ರಿಕೆಟ್‌ ಕೂಟದಲ್ಲಿ ಸಮಿತ್‌ ಭರ್ಜರಿ ಶತಕ ಸಿಡಿಸಿದ್ದರು. 2015ರಲ್ಲಿ ಗೋಪಾಲನ್‌ ಕ್ರಿಕೆಟ್‌ ಚಾಲೆಂಜ್‌ ಕೂಟದಲ್ಲಿ ಗಮನಾರ್ಹ ಪ್ರದರ್ಶನ ನೀಡುವ ಮೂಲಕ ಕ್ರಿಕೆಟ್‌ ಕ್ಷೇತ್ರದಲ್ಲಿ ಮೊದಲ ಸಲ ಸದ್ದು ಮಾಡಿದ್ದರು.