Advertisement
ಏಶ್ಯನ್‌ ಗೇಮ್ಸ್‌ ಚಾಂಪಿಯನ್‌ ರಾಹಿ ವಿಶ್ವಕಪ್‌ನಲ್ಲಿ ಗೆದ್ದ 2ನೇ ಚಿನ್ನ ಇದಾಗಿದೆ. ಫೈನಲ್‌ ಪ್ರವೇಶಿಸಿದ್ದ ಭಾರತದ ಮತ್ತೋರ್ವ ಶೂಟರ್‌ ಮನು ಬಾಕರ್‌ 5ನೇ ಸ್ಥಾನಿಯಾದರು.
ಇದೇ ವೇಳೆ ಪುರುಷರ 10 ಮೀ. ಏರ್‌ ಪಿಸ್ತೂಲ್‌ ಸ್ಪರ್ಧೆಯಲ್ಲಿ ಸೌರಭ್‌ ಚೌಧರಿ ನೂತನ ದಾಖಲೆಯೊಂದಿಗೆ ಬಂಗಾರದ ಪದಕ ಗೆದ್ದರು. ಇವರ ಸಾಧನೆಯ ವೇಳೆ ಸೀನಿಯರ್‌, ಜೂನಿಯರ್‌ ವಿಶ್ವದಾಖಲೆಗಳೆರಡೂ ಪತನಗೊಂಡವು. ಇವರಿಬ್ಬರ ಅಮೋಘ ಸಾಹ ಸದಿಂದ ಮ್ಯೂನಿಚ್‌ ಸ್ಪರ್ಧೆಯಲ್ಲಿ ಭಾರತವೀಗ 3 ಚಿನ್ನ ಗೆದ್ದು ಅಗ್ರಸ್ಥಾನ ಅಲಂಕರಿಸಿದೆ. ಚೀನ ಒಂದು ಚಿನ್ನ, ಒಂದು ಬೆಳ್ಳಿ ಮತ್ತು 3 ಕಂಚಿನ ಪದಕದೊಂದಿಗೆ ದ್ವಿತೀಯ ಸ್ಥಾನದಲ್ಲಿದೆ.