ಐಐಎಚ್‌ಆರ್‌ನಿಂದ ಶೀಘ್ರ “ಸೀಡ್‌ ವೆಂಡಿಂಗ್‌ ಮೆಷಿನ್‌’

ಬೆಂಗಳೂರು: ಹಣ ಹಾಕಿದರೆ ಕೋಲ್ಡ್‌ಡ್ರಿಂಕ್ಸ್‌ ಬಂದು ಬೀಳುವಂತೆಯೇ ಶೀಘ್ರದಲ್ಲೇ ಹಣ ಹಾಕಿದರೆ ತರಕಾರಿ ಬೀಜಗಳ ಪ್ಯಾಕೆಟ್‌ ದೊರೆಯು ವಂತಹ ವಿನೂತನ ವ್ಯವಸ್ಥೆ ನಗರದಲ್ಲಿ ಜಾರಿಗೆ ಬರಲಿದೆ. 

ನಗರ ಪ್ರದೇಶಗಳಲ್ಲಿ ಇತ್ತೀಚಿನ ದಿನಗಳಲ್ಲಿ ತಾರಸಿಯಲ್ಲಿ ತರಕಾರಿ ಬೆಳೆಯುವ ಟ್ರೆಂಡ್‌ ಹೆಚ್ಚುತ್ತಿದೆ. ಗುಣಮಟ್ಟದ ಬೀಜಗಳು ಆ ಗ್ರಾಹಕರಿಗೆ ದೊರೆಯುತ್ತಿಲ್ಲ. ಈ ಹಿನ್ನೆಲೆಯಲ್ಲಿ ಸ್ವತಃಭಾರತೀಯ ತೋಟಗಾರಿಕಾ ಸಂಶೋ ಧನಾ ಸಂಸ್ಥೆ (ಐಐಎಚ್‌ಆರ್‌) ಅಭಿವೃದ್ಧಿ ಪಡಿಸಿದ ಗುಣಮಟ್ಟದ ಬೀಜಗಳು ಸುಲಭ ವಾಗಿ ಗ್ರಾಹಕರಿಗೆ ಸಿಗುವಂತೆ ಮಾಡುವ ಉದ್ದೇಶದಿಂದ  “ಸೀಡ್‌ ವೆಂಡಿಂಗ್‌ ಮೆಷಿನ್‌’

ಪರಿಚಯಿಸಲು ನಿರ್ಧರಿಸ ಲಾಗಿದೆ. ಜನಸಂದಣಿ ಹಾಗೂ ತರಕಾರಿ ಮಾರಾಟ ವಹಿವಾಟು ಹೆಚ್ಚಿರುವ ಸ್ಥಳ ಗಳಲ್ಲಿ ತೋಟಗಾರಿಕೆ ಇಲಾಖೆ ಸಹಯೋಗದಲ್ಲಿ ಅಳವಡಿಸ ಲಾಗುವುದು ಎಂದು ಸಂಸ್ಥೆ ನಿರ್ದೇಶಕ ಎಂ.ಆರ್‌. ದಿನೇಶ್‌ ಅವರು ಶನಿವಾರ ಸುದ್ದಿಗೋಷ್ಠಿ ಯಲ್ಲಿ ಮಾಹಿತಿ ನೀಡಿದರು. 

ಬೀಜಗಳ ದರ 20 ರೂ.
ಸುಮಾರು 36 ಪ್ರಕಾರದ 24 ತರಕಾರಿ ಪ್ಯಾಕೆಟ್‌ಗಳು ಪ್ರತಿ ಮೆಷಿನ್‌ನಲ್ಲಿ  ಇರು ತ್ತವೆ. ಲಾಲ್‌ಬಾಗ್‌, ಬಸ್‌ ನಿಲ್ದಾಣ, ರೈಲು ನಿಲ್ದಾಣ ಸಹಿತ ನಗರದ ಹತ್ತು ಕಡೆಗಳಲ್ಲಿ ಈ ವಿನೂತನ ಯಂತ್ರಗಳನ್ನು ಅಳವಡಿಸಲು ಉದ್ದೇಶಿಸಲಾಗಿದೆ. ಪ್ರತಿ ಯಂತ್ರಕ್ಕೆ ಎರಡೂವರೆ ಲಕ್ಷ ರೂ. ವೆಚ್ಚ ಆಗುತ್ತದೆ. ಆದ್ದರಿಂದ ತೋಟಗಾರಿಕೆ ಇಲಾಖೆ ನೆರವು ಕೋರಲಾಗಿದ್ದು, ಪೂರಕ ಸ್ಪಂದನೆ ದೊರೆತಿದೆ. ಅಷ್ಟೇ ಅಲ್ಲ, ರಾಜ್ಯದ ಪ್ರತಿ ಜಿಲ್ಲೆಯಲ್ಲಿ ಈ ಸೀಡ್‌ ವೆಂಡಿಂಗ್‌ ಮೆಷಿನ್‌ಗಳನ್ನು ಅಳವಡಿಸುವ ಚಿಂತನೆ ಇದೆ ಎಂದು ತಿಳಿಸಿದರು. 

ತರಕಾರಿ ಮತ್ತು ಹೂವಿನ ಬೀಜಗಳ ಪ್ಯಾಕೆಟ್‌ಗಳು ಈ ಯಂತ್ರದಲ್ಲಿ ಇರುತ್ತವೆ. ಜನ ಹಣ ಹಾಕಿ, ಸ್ಕ್ರೀನ್‌ ಮೇಲೆ ಇರುವ ಡಿಜಿಟಲ್‌ ಗುಂಡಿಗಳ ಮೂಲಕ ಬೀಜ ಆಯ್ಕೆ ಮಾಡಬೇಕು. ಕೇವಲ 20 ರೂ. ನಿಗದಿಪಡಿಸಲಾಗುವುದು ಎಂದರು. 

ಸೀಡ್‌ ಕಿಟ್‌ಗೆ ಭಾರೀ ಬೇಡಿಕೆ
ಭಾರತೀಯ ತೋಟಗಾರಿಕಾ ಸಂಶೋಧನ ಸಂಸ್ಥೆ ಪರಿಚಯಿಸಿದ “ಸೀಡ್‌ ಕಿಟ್‌’ (ತರಕಾರಿಗಳ ಬಾಕ್ಸ್‌)ಗೆ ವಿದೇಶಗಳಲ್ಲಿ ಈಗ ಭಾರೀ ಬೇಡಿಕೆ ಇದ್ದು, ಲಕ್ಷಕ್ಕೂ ಅಧಿಕ ಕಿಟ್‌ಗಳು ಇದುವರೆಗೆ ಮಾರಾಟ ಆಗಿವೆ ಎಂದು ಸಂಸ್ಥೆಯ ತರಕಾರಿ ವಿಭಾಗದ ಮುಖ್ಯಸ್ಥ ಹಾಗೂ ಪ್ರಧಾನ ವಿಜ್ಞಾನಿ ಡಾ| ಎ.ಟಿ. ಸದಾಶಿವ ತಿಳಿಸಿದರು. 

ದೇಶದಲ್ಲೇ ಮೊದಲ ಬಾರಿಗೆ ಈ ರೀತಿಯ ಸೀಡ್‌  ಕಿಟ್‌ಗಳನ್ನು ಐಐಎಚ್‌ಆರ್‌ ಪರಿಚಯಿಸಿದೆ. ಕಳೆದ ಎರಡು ವರ್ಷಗಳಿಂದ ಇವುಗಳಿಗೆ ದೇಶಾದ್ಯಂತ ಬೇಡಿಕೆ ಬರುತ್ತಿದೆ. ಇದರಲ್ಲಿ 8 ಪ್ರಕಾರದ ತರಕಾರಿ ಬೀಜಗಳಿದ್ದು, ಇದರ ಬೆಲೆ 140 ರೂ. ಗ್ರಾಹಕರು ಡಿಡಿಡಿ.ಜಿಜಿಜr.rಛಿs.ಜಿn ಮೂಲಕ ಆನ್‌ಲೈನ್‌ನಲ್ಲಿ ಕೂಡ ಪಡೆಯಬಹುದು ಎಂದು ಮಾಹಿತಿ ನೀಡಿದರು.