ಕ್ಷಿಪಣಿ ಪರೀಕ್ಷೆ ಯಶಸ್ವಿ

ಬಾಲಸೋರ್‌: ಡಿಆರ್‌ಡಿಒ ಅಭಿವೃದ್ಧಿಪಡಿಸಿದ ತ್ವರಿತ ಪ್ರತಿಕ್ರಿಯೆಯ (ಕ್ಯೂಆರ್‌ಎಸ್‌ಎಎಂ) ಕ್ಷಿಪಣಿಯನ್ನು ಒಡಿಶಾದ ಬಾಲಸೋರ್‌ ನೆಲೆಯಿಂದ ಯಶಸ್ವಿಯಾಗಿ ಪ್ರಯೋಗಿಸಲಾಗಿದೆ. ರವಿವಾರ ಮಧ್ಯಾಹ್ನ 11.05 ಕ್ಕೆ ಟ್ರಕ್‌ ಮೇಲೆ ಅಳವಡಿಸಿದ ಸಾಧನದ ಮೂಲಕ ಉಡಾವಣೆ ಮಾಡಲಾಗಿದೆ. ಈ ಕ್ಷಿಪಣಿ ಎಲ್ಲ ಹವಾಮಾನದಲ್ಲಿ ಮತ್ತು ಎಲ್ಲ ಸ್ಥಳದಲ್ಲೂ ಕೆಲಸ ಮಾಡಬಹುದಾ ಗಿದ್ದು, ಟ್ರಕ್‌ನಿಂದಲೇ ಉಡಾವಣೆ ಮಾಡಬಹುದು. ಅಷ್ಟೇ ಅಲ್ಲ, ಯುದ್ಧ ವಿಮಾನಗಳ ರಾಡಾರ್‌ ಮೂಲಕ ಈ ಕ್ಷಿಪಣಿ ದಿಕ್ಕು ತಪ್ಪಿಸುವುದರ ವಿರುದ್ಧ ರಕ್ಷಣೆಯನ್ನೂ ಹೊಂದಿದೆ. 25-30 ಕಿ.ಮೀ. ದೂರ ಹಾರಬಲ್ಲ ಸಾಮರ್ಥ್ಯ ಹೊಂದಿದೆ. 2017ರ ಜೂನ್‌ 4 ರಂದು ಮೊದಲ ಬಾರಿಗೆ ಇದರ ಪ್ರಯೋಗ ನಡೆಸಲಾಗಿತ್ತು. ಅನಂತರ 2019 ಫೆಬ್ರವರಿಯಲ್ಲೂ ಎರಡು ಸುತ್ತಿನ ಪರೀಕ್ಷೆ ಮಾಡಲಾಗಿತ್ತು.