ಕ್ವಾರ್ಟರ್‌ ಫೈನಲ್‌ಗೆ ನೆಗೆದ ಪಿ.ವಿ. ಸಿಂಧು

ಜಕಾರ್ತಾ: ಭಾರತದ ಟಾಪ್‌ ಶಟ್ಲರ್‌ ಪಿ.ವಿ. ಸಿಂಧು “ಇಂಡೋನೇಶ್ಯ ಓಪನ್‌ ಬ್ಯಾಡ್ಮಿಂಟನ್‌’ ಪಂದ್ಯಾವಳಿಯ ದ್ವಿತೀಯ ಸುತ್ತು ದಾಟಿ ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸಿದ್ದಾರೆ.

ಗುರುವಾರ ನಡೆದ ಜಿದ್ದಾಜಿದ್ದಿ ಮುಖಾಮುಖೀಯಲ್ಲಿ 5ನೇ ಶ್ರೇಯಾಂ ಕದ ಸಿಂಧು ಡೆನ್ಮಾರ್ಕ್‌ನ ಮಿಯಾ ಬ್ಲಿಕ್‌ಫೆಲ್ಟ್ ಅವರನ್ನು 21-14, 17-21, 21-11 ಅಂತರದಿಂದ ಪರಾಭವಗೊಳಿ ಸಿದರು. ಒಂದು ಗಂಟೆ, 2 ನಿಮಿಷಗಳ ಕಾಲ ಇವರ ಹೋರಾಟ ಸಾಗಿತು.

ಇದು ವಿಶ್ವದ ನಂ.3 ಆಟಗಾರ್ತಿ, ಬ್ಲಿಕ್‌ಫೆಲ್ಟ್ ವಿರುದ್ಧ ಈ ವರ್ಷ ಸಿಂಧು ಸಾಧಿಸಿದ 3ನೇ ಗೆಲುವು. ಇದಕ್ಕೂ ಮುನ್ನ ಇಂಡಿಯನ್‌ ಓಪನ್‌ ಮತ್ತು ಸಿಂಗಾಪುರ್‌ ಓಪನ್‌ ಕೂಟಗಳಲ್ಲಿ ಸಿಂಧು ನೇರ ಗೇಮ್‌ಗಳಿಂದ ಡೇನ್‌ ಆಟಗಾರ್ತಿಗೆ ಸೋಲುಣಿಸಿದ್ದರು.

ಸಿಂಧು ಅವರಿನ್ನು ಮಲೇಶ್ಯದ ಸೋನಿಯಾ ಚೆ-ಜಪಾನಿನ ನವೋಮಿ ಒಕುಹಾರಾ ನಡುವಿನ ವಿಜೇತರನ್ನು ಕ್ವಾ. ಫೈನಲ್‌ನಲ್ಲಿ ಎದುರಿಸಲಿದ್ದಾರೆ.

ಪುರುಷರ ಡಬಲ್ಸ್‌
ಜೋಡಿಗೆ ಸೋಲು
ಈ ಕೂಟದ ಪುರುಷರ ಡಬಲ್ಸ್‌ ವಿಭಾಗದಲ್ಲಿ ಸಾತ್ವಿಕ್‌ ಸಾಯಿರಾಜ್‌ ರಾಂಕಿ ರೆಡ್ಡಿ-ಚಿರಾಗ್‌ ಶೆಟ್ಟಿ ಜೋಡಿ ಸೋಲನುಭವಿಸಿದೆ. ತವರಿನ ಅಗ್ರ ಶ್ರೇಯಾಂಕದ ಮಾರ್ಕಸ್‌ ಫೆರ್ನಾಲ್ಡಿ ಗಿಡೆಯೋನ್‌-ಕೆವಿನ್‌ ಸಂಜಯ ಸುಕಮುಲೊj ವಿರುದ್ಧದ 2ನೇ ಸುತ್ತಿನ ಮುಖಾಮುಖೀಯನ್ನು ಭಾರತೀಯ ಜೋಡಿ 15-21, 14-21 ಅಂಕಗಳಿಂದ ಕಳೆದುಕೊಂಡಿತು.