Putturu: ಭಾರೀ ಮಳೆಗೆ ಪೆರುವಾಜೆ ದೇವಾಲಯ ಜಲಾವೃತ

ಪುತ್ತೂರು: ರವಿವಾರ ಸಂಜೆ ಸುರಿದ ಭಾರೀ ಮಳೆಯಿಂದ ನವರಾತ್ರಿ ಉತ್ಸವದ ಸಂಭ್ರಮದಲ್ಲಿರುವ ಇತಿಹಾಸ ಪ್ರಸಿದ್ದ ಪೆರುವಾಜೆ ಶ್ರೀ ಜಲದುರ್ಗಾದೇವಿ ದೇವಾಲಯ ಅಂಗಣ, ಗರ್ಭಗುಡಿ ಸುತ್ತ ಜಲಾವೃತಗೊಂಡಿತು. ಭಕ್ತರು ಈ ಅಪೂರ್ವ ಕ್ಷಣ ಕಣ್ತುಂಬಿಕೊಂಡರು.

ದೇವಾಲಯದ ಅಂಗಣಕ್ಕೆ ಪ್ರವೇಶಿಸಿದ ನೀರು ಆ ಬಳಿಕ ಗರ್ಭಗುಡಿಯ ಸುತ್ತ ಆವರಿಸಿಕೊಂಡಿತ್ತು. ಕೆಲ ತಾಸಿನ ಬಳಿಕ ನೀರಿನ ಮಟ್ಟ ಇಳಿಕೆ ಕಂಡಿತ್ತು. ಸ್ವಚ್ಛತಾ  ಕಾರ್ಯದ ಬಳಿಕ ನವರಾತ್ರಿ ಉತ್ಸವದ ಐದನೇ ದಿನದ ಕಾರ್ಯಕ್ರಮ ನಡೆಯಿತು. ಇಲ್ಲಿ ವರ್ಷಕೊಮ್ಮೆ ಜಲದುರ್ಗಾದೇವಿ ದೇವಾಲಯ ಜಲಾವೃತವಾಗುವುದು ವಾಡಿಕೆ.