ಹರ್‌ಕೀರತ್‌ ಅಹ್ಲುವಾಲಿಯಾಗೆ ವಿಶ್ವ ಕೃಷಿ ಪ್ರವಾಸೋದ್ಯಮ ಪ್ರಶಸ್ತಿ

ಚಂಡೀಗಢ : 2018ರ ಸಾಲಿನ ವಿಶ್ವ ಕೃಷಿ ಪ್ರವಾಸೋದ್ಯಮ ಪ್ರಶಸ್ತಿಗೆ ಆಯ್ಕೆಯಾಗಿರುವ ಪ್ರಖ್ಯಾತ ತೋಟಗಾರಿಕಾ ತಜ್ಞ ಹರ್‌ಕೀರತ್‌ ಅಹ್ಲುವಾಲಿಯಾ ಅವರನ್ನು ಪಂಜಾಬ್‌ ಮುಖ್ಯಮಂತ್ರಿ ಅಮರೀಂದರ್‌ ಸಿಂಗ್‌ ಅಭಿನಂದಿಸಿದ್ದಾರೆ.

ತಮ್ಮ ಅಭಿನಂದನಾ ಸಂದೇಶದಲ್ಲಿ ಮುಖ್ಯಮಂತ್ರಿಗಳು, “ಅಹ್ಲುವಾಲಿಯಾ ಅವರ ಕಿತ್ತಳೆ ತೋಟ ರಾಜ್ಯದ ಹೆಮ್ಮೆಯಾಗಿದೆ; ಗ್ರಾಮೀಣ ಕೃಷಿ ಪ್ರವಾಸೋದ್ಯಮಕ್ಕೆ ಅಹ್ಲುವಾಲಿಯಾ ಅವರು ತಮ್ಮ ಪ್ರಗತಿಪರ ಕೃಷಿ ತಂತ್ರಜ್ಞಾನದ ಮೂಲಕ ನೀಡಿರುವ ಮಹತ್ವಪೂರ್ಣ ಕಾಣಿಕೆಯನ್ನು ಪರಿಗಣಿಸಿ ಸಂದಿರುವ ಈ ವಿಶ್ವ ಪ್ರಶಸ್ತಿ ಅವರ ಸಾಧನೆಗೆ ಸಂದಿರುವ ಪುರಸ್ಕಾರವಾಗಿದೆ’ಎಂದು ಹೇಳಿದ್ದಾರೆ.

ಅಹ್ಲುವಾಲಿಯಾ ಅವರಿಗೆ ಇದೇ ಮೇ 16ರಂದು ಮುಂಬಯಿಯಲ್ಲಿ ನಡೆಯಲಿರುವ 11ನೇ ವಿಶ್ವ ಕೃಷಿ ಪ್ರವಾಸೋದ್ಯಮ ಸಮಾವೇಶದಲ್ಲಿ 2018ರ ವಿಶ್ವ ಕೃಷಿ ಪ್ರವಾಸೋದ್ಯಮ ಪ್ರಶಸ್ತಿಯನ್ನು ಪ್ರದಾನಿಸಲಾಗುವುದು ಎಂದು ವರದಿ ತಿಳಿಸಿದೆ.