Advertisement
ಆ ದಿನ ಗದ್ದೆಯ ತುಂಬೆಲ್ಲ ಸಮವಸ್ತ್ರ ಧರಿಸಿದ ಪುಟ್ಟ ಮಕ್ಕಳ ಓಡಾಟ, ಚಂದದ ಪೈರಿನ ಅಂದಕ್ಕೆ ಮತ್ತೂಂದು ಮೆರುಗು ನೀಡುತ್ತಿತ್ತು. ಅಲ್ಲಿ ಒಂದಷ್ಟು ಔಷಧೀಯ ಗಿಡಗಳು. ಒಂದಷ್ಟು ಅಪೂರ್ವ ಸಸಿಗಳು. ಸುತ್ತಲೂ ಮನಸ್ಸಿಗೆ ಮುದ ನೀಡುವ ಹಸುರು. ಇದು ಪುಣ್ಚಪ್ಪಾಡಿ ಶಾಲಾ ಮಕ್ಕಳ ಪ್ರಕೃತಿ ಪಾಠದ ಸೊಬಗು.
Related Articles
ನಾಟಿ ವೈದ್ಯ ಬಾಲಕೃಷ್ಣ ರೈ ಮುಂಡಾಜೆ ಅವರು ಔಷಧಿ ಗಿಡಗಳ ಬಗ್ಗೆ ವಿಸ್ತƒತ ಪರಿಚಯ ನೀಡಿದರು. ನಮ್ಮ ಹಿತ್ತಲಲ್ಲೇ ದೊರಕುವ ಆಡುಸೋಗೆ, ನೆಕ್ಕಿ ಸೊಪ್ಪು, ರಾಮಫ‌ಲ, ನಾಚಿಕೆಮುಳ್ಳು, ಕೇಪುಳು, ಕಹಿಬೇವು, ಕರಿಬೇವು, ತುಳಸಿ, ಒಂದೆಲಗ, ಬಾಳೆ, ಪಳ್ಳಿ ಸೊಪ್ಪು ಹೀಗೆ ಹಲವು ಸಸ್ಯಗಳನ್ನು ಪರಿಚಯಿಸಿ, ಅವುಗಳ ಔಷಧೀಯ ಗುಣಗಳ ಮಾಹಿತಿ ನೀಡಿದರು. ಪಳ್ಳಿ ಸೊಪ್ಪು ಮೈಯಲ್ಲಿ ಬೀಳುವುದಕ್ಕೆ ಹಚ್ಚಲು ದಿವೌÂಷಧ ಎಂದು ತಿಳಿದ ಮಕ್ಕಳು ಬೆರಗಾದರು.
Advertisement
ಆಹಾರ ವೈವಿಧ್ಯಹಿರಿಯರಾದ ಅಂಬುಜಾಕ್ಷಿ ಆಳ್ವ ಅವರು ಆಹಾರದಿಂದ ಮನುಷ್ಯನ ಮೇಲಾಗುವ ಪರಿಣಾಮಗಳ ಮಾಹಿತಿ ನೀಡಿದರು. ಮನೆಯಲ್ಲಿ ಕುಟ್ಟಿ ಮಾಡಿದ ಅವಲಕ್ಕಿಯಿಂದ 10 ಬಗೆಯ ತಿನಿಸುಗಳನ್ನು ತಯಾರಿಸಿ ತೋರಿಸಿದರು. ಮಕ್ಕಳು ಅವುಗಳನ್ನು ಸವಿದು ಖುಷಿಪಟ್ಟರು. ಆರೋಗ್ಯಕರ ಎಳ್ಳು ಜ್ಯೂಸ್‌ ಕುಡಿದರು. ಉಪನ್ಯಾಸಕಿ ಸ್ಮಿತಾ ವಿವೇಕ್‌, ಪುಣcಪ್ಪಾಡಿ ಶಾಲಾ ಮುಖ್ಯಗುರು ರಶ್ಮಿತಾ ನರಿಮೊಗರು, ಶಿಕ್ಷಕರಾದ ಶೋಭಾ ಕೆ., ಫ್ಲಾವಿಯಾ, ಅತಿಥಿ ಶಿಕ್ಷಕ ಯತೀಶ್‌ ಕುಮಾರ್‌, ಗೌರವ ಶಿಕ್ಷಕಿ ಯಮುನಾ ಬಿ., ಪೋಷಕರಾದ ಕಾವೇರಿ ಅಜಿಲೋಡಿ ಕಾರ್ಯಕ್ರಮ ನಿರ್ವಹಿಸಿದರು. ಅಚ್ಚಳಿಯದ ನೆನಪು
ಮಕ್ಕಳು ನಮ್ಮ ಮನೆಗೆ ಬಂದಿದ್ದು ಬಹಳ ಖುಷಿಯಾಯಿತು. ಮಕ್ಕಳಿಗೆ ಈ ರೀತಿ ಪ್ರಕೃತಿಯಲ್ಲಿ ಅನುಭವದ ಪಾಠ ಸಿಕ್ಕಿದಾಗ ಮಕ್ಕಳ ಮನಸ್ಸಿನಲ್ಲಿ ಅದು ಅಚ್ಚಳಿಯದೆ ಉಳಿಯುತ್ತದೆ.
– ವಿವೇಕ ಆಳ್ವ, ಪ್ರಗತಿಪರ ಕೃಷಿಕರು, ಪುಣ್ಚಪ್ಪಾಡಿ ಪ್ರವೀಣ್‌ ಚೆನ್ನಾವರ