ಪುಲ್ವಾಮಾದಲ್ಲಿ 52 ಕೆಜಿ ಸ್ಫೋಟಕ ವಶ; ತಪ್ಪಿದ ದುರಂತ

ನವದೆಹಲಿ: ಕಳೆದ ವರ್ಷ ಕಾಶ್ಮೀರದ ಪುಲ್ವಾಮಾದಲ್ಲಿ ನಡೆದಿದ್ದ ಭೀಕರ ಬಾಂಬ್‌ ದಾಳಿಯನ್ನೇ ಹೋಲುವಂಥ ಮತ್ತೂಂದು ದಾಳಿಯೊಂದು ಸಂಭವಿಸುವ ಮುನ್ನವೇ ಅದನ್ನು ವಿಫ‌ಲಗೊಳಿಸಲಾಗಿದೆ.

ಪುಲ್ವಾಮಾ- ಶ್ರೀನಗರ ಹೆದ್ದಾರಿಯ ಪಕ್ಕದಲ್ಲೇ ಇರುವ ಹಣ್ಣಿನ ತೋಟವೊಂದರಲ್ಲಿ ಹುದುಗಿಸಲಾಗಿದ್ದ ಸಿಂಟೆಕ್ಸ್‌ ಟ್ಯಾಂಕ್‌ನಲ್ಲಿ ಸುಮಾರು 52 ಕೆಜಿಯಷ್ಟು ಸ್ಫೋಟಕವನ್ನು ಭದ್ರತಾ ಪಡೆಗಳು ಪತ್ತೆ ಹಚ್ಚಿ ವಶ ಪಡಿಸಿಕೊಂಡಿವೆ.

ಈ ಸ್ಫೋಟಕಗಳನ್ನು ವಶಪಡಿಸಿಕೊಂಡ ಜಾಗ, ಕಳೆದ ವರ್ಷ ನಡೆದಿದ್ದ ಪುಲ್ವಾಮಾ ದಾಳಿಯ ಜಾಗಕ್ಕೆ ಸನಿಹದಲ್ಲೇ ಇದ್ದು, ಈ ಬಾರಿಯೂ ದೊಡ್ಡ ಸ್ಫೋಟ ನಡೆಸಲು ಸಂಚು ರೂಪಿಸಲಾಗಿತ್ತೆಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಮೂವರು ಉಗ್ರರ ಹತ್ಯೆ: ಶ್ರೀನಗರದ ಬಾಟಾಮಾಲೂ ಪ್ರಾಂತ್ಯದಲ್ಲಿ ಸಿಆರ್‌ಪಿಎಫ್ ಯೋಧರ ಪಡೆ ಹಾಗೂ ಉಗ್ರರ ನಡುವೆ ನಡೆದ ಗುಂಡಿನ ಚಕಮಕಿಯಲ್ಲಿ ಮೂವರು ಉಗ್ರರು ಹತರಾಗಿದ್ದಾರೆ. ಗುಂಡಿನ ಚಕಮಕಿ ವೇಳೆ, ಕೌನ್ಸರ್‌ ರಿಯಾಜ್‌ (45) ಎಂಬ ಮಹಿಳೆಯೂ ಗುಂಡು ತಗುಲಿ ಸಾವನ್ನಪ್ಪಿದ್ದು, ಒಬ್ಬ ಸಿಆರ್‌ಪಿಎಫ್ ಅಧಿಕಾರಿ ಹಾಗೂ ಒಬ್ಬ ಯೋಧ ಗಾಯಗೊಂಡಿದ್ದಾರೆ.