ಕನಿಷ್ಠ ಮೊತ್ತ: ಬ್ಯಾಂಕ್‌ಗಳಿಂದ 2 ಸಾವಿರ ಕೋ.ರೂ. ದಂಡ ಸಂಗ್ರಹ

ಹೊಸದಿಲ್ಲಿ: ಗ್ರಾಹಕರು ತಮ್ಮ ಉಳಿತಾಯ ಖಾತೆಗಳಲ್ಲಿ ಕನಿಷ್ಠ ಮೊತ್ತ ಹೊಂದಿರದೇ ಇರುವುದಕ್ಕೆ ಸಾರ್ವಜನಿಕ ರಂಗದ ಬ್ಯಾಂಕ್‌ಗಳು ಇದೇ ಗ್ರಾಹಕರಿಂದ ವಸೂಲಿ ಮಾಡಿರುವ ದಂಡ ಎಷ್ಟು ಗೊತ್ತೇ. ಸುಮಾರು 2,000 ಕೋಟಿ ರೂ.ಗಳು. ಸೋಮವಾರ ಸಂಸತ್‌ ಅಧಿವೇಶನದ ಸಂದರ್ಭ ಈ ಮಾಹಿತಿ ಬಹಿರಂಗಗೊಂಡಿತು.

2018-19ನೇ ಸಾಲಿನಲ್ಲಿ ಕನಿಷ್ಠ ಶಿಲ್ಕು ಉಳಿಸಿಕೊಳ್ಳದಿರುವ ಗ್ರಾಹಕರಿಂದ 1,996 ಕೋಟಿ ರೂ. ದಂಡ ಸಂಗ್ರಹಿಸಲಾಗಿದೆ ಎಂದು ಸಂಸತ್ತಿಗೆ ತಿಳಿಸಲಾಗಿದೆ. 2017-18ರಲ್ಲಿ ಈ ಮೊತ್ತ 3,368 ಕೋಟಿ ರೂ. ಆಗಿತ್ತು.