ಸ್ವಹಿತಾಸಕ್ತಿ: ಟಿಒಪಿ ಸದಸ್ಯ ಸ್ಥಾನಕ್ಕೆ ಪಿ.ಟಿ.ಉಷಾ ರಾಜೀನಾಮೆ

ಹೊಸದಿಲ್ಲಿ: ಸ್ವಹಿತಾಸಕ್ತಿ ಸಮಸ್ಯೆಗೆ ಭಾರತ ಕ್ರೀಡಾಕ್ಷೇತ್ರದಲ್ಲಿ ಮತ್ತೂಂದು ವಿಕೆಟ್‌ ಉರುಳಿದೆ. ಕೇಂದ್ರದ ಮಹತ್ವಾಕಾಂಕ್ಷಿ ಯೋಜನೆ ಟಾರ್ಗೆಟ್‌ ಒಲಿಂಪಿಕ್‌ ಪೋಡಿಯಂನ ಸದಸ್ಯ ಸ್ಥಾನ ಹಾಗೂ ರಾಷ್ಟ್ರೀಯ ವೀಕ್ಷಕಿ ಸ್ಥಾನಕ್ಕೆ ಪಿ.ಟಿ.ಉಷಾ ರಾಜೀನಾಮೆ ನೀಡಿದ್ದಾರೆ. 

ಈ ಹುದ್ದೆಗಳಲ್ಲಿ ಇರುವವರು ವೈಯಕ್ತಿಕವಾಗಿ ಬೇರೆ ಹುದ್ದೆಗಳನ್ನು ಹೊಂದಿರುವಂತಿಲ್ಲ ಎಂಬ ಕ್ರೀಡಾನೀತಿಯಂತೆ ಉಷಾ ರಾಜೀನಾಮೆ ನೀಡಿದ್ದಾರೆ.

ಭಾರತದ ಖ್ಯಾತ ಮಾಜಿ ಆ್ಯತ್ಲೀಟ್‌ ಆಗಿರುವ ಉಷಾ ಕೇರಳದ ಕೋಯಿಕ್ಕೋಡ್‌ನ‌ಲ್ಲಿ ತಮ್ಮದೇ ಆದ “ಉಷಾ ಸ್ಕೂಲ್‌ ಆಫ್ ಆ್ಯತ್ಲೆಟಿಕ್ಸ್‌’ ಸಂಸ್ಥೆಯನ್ನು ನಡೆಸುತ್ತಿದ್ದಾರೆ.