ದೊಡ್ಡಬಳ್ಳಾಪುರ: ಕೇಂದ್ರ ಸರ್ಕಾರದಿಂದ ತೈಲ ಬೆಲೆ, ದಿನಬಳಕೆ ವಸ್ತುಗಳ ಬೆಲೆ ಏರಿಕೆ ಖಂಡಿಸಿ, ಕರ್ನಾಟಕ ರಕ್ಷಣಾ ವೇದಿಕೆ(ಪ್ರವೀಣ್‌ಕುಮಾರ್‌ ಶೆಟ್ಟಿ ಬಣ)ಕಾರ್ಯಕರ್ತರು ಪ್ರತಿಭಟನೆ ನಡೆಸಿದರು.
ನಗರದ ಸಿದ್ಧಲಿಂಗಯ್ಯ ವೃತ್ತದಿಂದ ಬೈಕ್‌ ತಳ್ಳಿಕೊಂಡು, ಖಾಲಿ ಸಿಲಿಂಡರ್‌ ಮೆರವಣಿಗೆ ಮಾಡುವ ಮೂಲಕ ಕೇಂದ್ರ, ರಾಜ್ಯ ಸರ್ಕಾರದ ವಿರುದ್ಧ ಘೋಷಣೆ ಕೂಗಿ ನಂತ ರ ತಹಶೀಲ್ದಾರ್‌ ಟಿ.ಎಸ್‌.ಶಿವರಾಜ್‌ಗೆ ಮನವಿ ಸಲ್ಲಿಸಿದರು. ಕರವೇ(ಪ್ರವೀಣ್‌ ಶೆಟ್ಟಿ ಬಣ ದ)ರಾಜ್ಯ ಪ್ರಧಾನಕಾರ್ಯದರ್ಶಿ ರಾಜ ಘಟ್ಟ ರವಿ, ತಾಲೂಕು ಪ್ರಧಾನ ಕಾರ್ಯದರ್ಶಿ ಎಸ್‌.ಎಲ್‌.ಎನ್‌.ವೇಣು ಮಾತನಾಡಿ, ಕೊರೊನಾ ಮಧ್ಯಮ ವರ್ಗಕ್ಕೆ ಸಹಿಸಲಾರದ ಪೆಟ್ಟು ನೀಡಿತ್ತು.
ಇದನ್ನೂ ಓದಿ:ಬಿಂದು ಮಾಧವರ ಆದರ್ಶ ಅಳವಡಿಸಿಕೊಳ್ಳಿ : ಟಿ.ಜಿ. ವಿಠಲ್‌
ಹಲವಾರು ಕಂಪನಿ ಬಾಗಿಲು ಮುಚ್ಚಿದ ಪರಿಣಾಮ ಕಾರ್ಮಿಕರು ನಿರುದ್ಯೋಗಿಗಳಾದರು. ವ್ಯಾಪಾರ, ವ್ಯವಹಾರ ನೆಲ ಕಚ್ಚಿದವು, ದಿನಗೂಲಿ ನೌಕರರು ಊಟಕ್ಕೂ ಪರದಾಡುವಂತಾಗಿದೆ. ಇಂತಹ ಸಮಯದಲ್ಲಿ ಜನರ ಸಹಾಯಕ್ಕೆ ಬರಬೇಕಿದ್ದ ರಾಜ್ಯ, ಕೇಂದ್ರ ಸರ್ಕಾರ ಗಾಯದ ಮೇಲೆ ಬರೆ ಎಳೆದಂತೆ ಡೀಸೆಲ್, ಪೆಟೊ›àಲ್‌ ಬೆಲೆ ಏರಿಸುತ್ತಿವೆ. ಗ್ಯಾಸ್‌ ಮೇಲಿನ ಸಹಾಯಧನ ರದ್ದುಗೊಳಿಸಿದಲ್ಲದೆ, 50 ರೂ. ಹೆಚ್ಚಳ ಮಾಡಿದೆ. ಕೂಡಲೇ ಬೆಲೆ ಏರಿಕೆಗೆ ಕಡಿವಾಣ ಹಾಕಿ ಜನರ ಮೇಲಿನ ಹೊರೆ ಕಡಿಮೆ ಮಾಡಬೇಕೆಂದು ಒತ್ತಾಯಿಸಿದರು.
ನಗರಸಭೆ ಮಾಜಿ ಅಧ್ಯಕ್ಷ ತ.ನ.ಪ್ರಭುದೇವ, ಡಾ.ರಾಜ್‌ ಕುಮಾರ್‌ ಅಭಿಮಾನಿಗಳ ಸಂಘದ ತಾಲೂಕು ಅಧ್ಯಕ್ಷ ಸು.ನರಸಿಂಹ ಮೂರ್ತಿ, ಕರವೇ ತಾಲೂಕು ಅಧ್ಯಕ್ಷ ಹಮಾಮ್‌ ವೆಂಕಟೇಶ್‌, ಜಿಲ್ಲಾಧ್ಯಕ್ಷ ರಮೇಶ್‌, ಗೌರವಾಧ್ಯಕ್ಷ ಪು.ಮಹೇಶ್‌, ಖಜಾಂಚಿ ಆನಂದ್‌, ಸಂಚಾಲಕ ಕಾರಹಳ್ಳಿ ಮಂಜು ಕಾರ್ಯಾ ಧ್ಯಕ್ಷ ಮಹೇಶ್‌, ನಗರ ಅಧ್ಯಕ್ಷ ಬಶೀರ್‌, ಮುಖಂಡ ಜಯಂತ್‌, ರಾಖೀ, ಸುನಿಲ್, ಟಾಟಾಸುನಿ, ಲೋಕೇಶ್‌ ಇದ್ದರು.
