ಟಾರ್‌ ಅಂಟಿಕೊಂಡು ಒದ್ದಾಡುತ್ತಿದ್ದ ನಾಯಿಯ ರಕ್ಷಣೆ

ಮಹಾನಗರ: ಮೈಮೇಲೆ ಟಾರ್‌ ಅಂಟಿಕೊಂಡು ಜೀವ ರಕ್ಷಣೆಗಾಗಿ ಒದ್ದಾಡುತ್ತಿದ್ದ ಬೀದಿ ನಾಯಿಯನ್ನು ಎನಿಮಲ್‌ ಕೇರ್‌ ಟ್ರಸ್ಟ್ ನವರು ರಕ್ಷಿಸಿ, ಉಪಚರಿಸಿದ್ದಾರೆ. ಇದೀಗ ಈ ಶ್ವಾನವು ಚೇತರಿಸಿಕೊಂಡಿದ್ದು ಆಹಾರ ಸೇವನೆ ಮಾಡುತ್ತಿದೆ.

ಕೆಲವು ಸಮಯದ ಹಿಂದೆ ನಗರದಲ್ಲಿ ಟಾರ್‌ ಅಂಟಿಕೊಂಡಿದ್ದ ಈ ಶ್ವಾನವನ್ನು ಗಮನಿಸಿದ ಎನಿಮಲ್‌ ಕೇರ್‌ ಟ್ರಸ್ಟ್‌ನ ಸ್ವಯಂ ಸೇವಕರು ಶ್ವಾನವನ್ನು ಹೊತ್ತೂಯ್ದು ಹನ್ನೆರಡು ಲೀಟರ್‌ ಎಣ್ಣೆ ಬಳಸಿ ನಾಯಿಯ ದೇಹದಲ್ಲಿ ಅಂಟಿದ್ದ ಟಾರ್‌ನ್ನು ತೆಗೆದಿದ್ದಾರೆ.

ಇದಕ್ಕಾಗಿ ಹನ್ನೆರಡು ಗಂಟೆಗೂ ಹೆಚ್ಚು ಕಾಲದ ಪ್ರಯತ್ನ ನಡೆಸಲಾಗಿದೆ. ಬಳಿಕ ನಾಯಿಯನ್ನು ಶುಚಿಗೊಳಿಸಿ, ಮತ್ತೆ ಮೊದಲಿನಂತಾಗಿಸಲಾಗಿದೆ. ಇದೀಗ ಶ್ವಾನವು ಆರೋಗ್ಯವಾಗಿದ್ದು, ಆಹಾರ ತಿನ್ನುತ್ತಿದೆ ಎಂದು ಸಂಸ್ಥೆಯವರು ತಿಳಿಸಿದ್ದಾರೆ.