ಚರಂಡಿಯಲ್ಲಿ ಬಿದ್ದ ಕೃಷ್ಣಮೃಗ ರಕ್ಷಣೆ

ಕಲಬುರಗಿ: ನಗರದ ಲಾಲಗೇರಿ ಕ್ರಾಸ್‌ನಲ್ಲಿ ಗುರುವಾರ ಬೆಳಗ್ಗೆ ಬಿದ್ದಿದ್ದ ಕೃಷ್ಣಮೃಗವನ್ನು ಸಂಚಾರಿ ಠಾಣೆ ಪೊಲೀಸರು ರಕ್ಷಿಸಿ ಸಾರ್ವಜನಿಕ ಉದ್ಯಾನವನದಲ್ಲಿರುವ ಕಿರುಮೃಗಾಲಯಕ್ಕೆ ಒಪ್ಪಿಸಿದ್ದಾರೆ. 

ಚರಂಡಿಯಲ್ಲಿ ಬಿದ್ದಿದ್ದಕೃಷ್ಣಮೃಗವನ್ನು ನೋಡಿದ ಸಾರ್ವಜನಿಕರು ಅಲ್ಲಿಯೇ ಇದ್ದ ಸಂಚಾರಿ ಠಾಣೆ ಮುಖ್ಯಪೇದೆ  ರಾಜು ಬಾಳ ಹಾಗೂ ಪೇದೆ ಈರಣ್ಣಾ ಕೋಬ್ರಾ ಅವರಿಗೆ ತಿಳಿಸಿದಾಗ ಅವರು ಅಲ್ಲಿದ್ದ ಆಟೋಚಾಲಕರಿಬ್ಬರ ನೆರವಿನಿಂದ ಅದನ್ನು ರಕ್ಷಿಸಿ ಕಿರುಮೃಗಾಲಯಕ್ಕೆ ಒಪ್ಪಿಸಿದ್ದಾರೆ. 

ಯಾರೋ ಇದನ್ನು ಸಾಕಿರಬಹುದು ಎನ್ನುವ ಶಂಕೆಯನ್ನುಕಿರುಮೃಗಾಲಯದ ಅಧಿಕಾರಿ ಮಲ್ಲಿಕಾರ್ಜುನ ಜಮಾದಾರ ವ್ಯಕ್ತಪಡಿಸಿದ್ದಾರೆ.