ಲೇಸರ್‌ ಶೂ ತಂತ್ರಜ್ಞಾನದ ಉತ್ಪನ್ನ ಬಿಡುಗಡೆ

ಉಡುಪಿ: ಮಧುಮೇಹ ಪೆರಿಫೆರಲ್‌ ನ್ಯೂರೋಪತಿಕ್‌ ನೋವಿನ ಚಿಕಿತ್ಸೆಗೆ ಮಾಹೆ ವಿ.ವಿ.ಯು ಅಭಿವೃದ್ಧಿಪಡಿಸಿರುವ ಲೇಸರ್‌ ಶೂ ತಂತ್ರಜ್ಞಾನದ ಉತ್ಪನ್ನವನ್ನು ಶುಕ್ರವಾರ ಬಿಡುಗಡೆ ಮಾಡಲಾಯಿತು.

ವಿ.ವಿ. ಕುಲಾಧಿಪತಿ ಡಾ| ಎಚ್‌. ಎಸ್‌. ಬಲ್ಲಾಳ್‌, ಕುಲಪತಿ ಲೇ| ಜ| ಡಾ| ಎಂ.ಡಿ. ವೆಂಕಟೇಶ್‌, ಸಹ ಕುಲಪತಿ ಡಾ| ಪಿಎಲ್‌ಎನ್‌ಜಿ ರಾವ್‌, ಕುಲಸಚಿವ ಡಾ| ನಾರಾಯಣ ಸಭಾಹಿತ್‌, ಕೇಂದ್ರ ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವಾಲಯದ ವಿಜ್ಞಾನಿ ಡಾ| ಅನಿತಾ ಅಗರವಾಲ್‌, ಕೆಎಂಸಿ ಡೀನ್‌ ಡಾ| ಶರತ್‌ ಕುಮಾರ್‌ ರಾವ್‌, ಮಣಿಪಾಲ್‌ ಕಾಲೇಜ್‌ ಆಫ್ ಹೆಲ್ತ್‌ ಪ್ರೊಫೆಶನ್ಸ್‌ ಡೀನ್‌ ಡಾ| ಜಿ.ಅರುಣ್‌ ಮಯ್ಯ, ಚೆನ್ನೈನ ಟೆಕ್ನೊ ಮೆಡ್‌ ಎಲೆಕ್ಟ್ರಾನಿಕ್ಸ್‌ನ ವ್ಯವಸ್ಥಾಪಕ ನಿರ್ದೇಶಕ ವಿಶ್ವನಾಥನ್‌ ಲೇಸರ್‌ ಶೂ ಉತ್ಪನ್ನ ಬಿಡುಗಡೆ ಮಾಡಿದರು.

ಇದನ್ನೂ ಓದಿ:ಬೆಳೆ ಹಾನಿ ವರದಿಗೆ ಸೂಚನೆ: ಶೋಭಾ ಕರಂದ್ಲಾಜೆ

ನೂತನ ತಂತ್ರಾಂಶ ಆಧಾರಿತ ಈ ಉತ್ಪನ್ನ ಅಭಿವೃದ್ಧಿಗೆ ಕೇಂದ್ರ ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವಾಲಯದೊಂದಿಗೆ ಒಪ್ಪಂದ ಮಾಡಿಕೊಳ್ಳಲಾಗಿದೆ. ಸಚಿವಾಲಯದ ಸಂಶೋಧನ ನಿಧಿಯ ಅನುದಾನದ ಮೂಲಕ ಉತ್ಪನ್ನವನ್ನು ಅಭಿವೃದ್ಧಿ ಪಡಿಸಲಾಗಿದೆ.