ಇದರೊಂದಿಗೆ ಸೌರಭ್‌ ನಂದಲ್‌ ಪಡೆ 13 ಪಂದ್ಯಗಳಲ್ಲಿ 8ನೇ ಆಘಾತಕ್ಕೆ ಸಿಲುಕಿತು. ಬೆಂಗಾಲ್‌ ಇಷ್ಟೇ ಪಂದ್ಯಗಳಿಂದ 6ನೇ ಗೆಲುವು ಸಾಧಿಸಿತು.
Advertisement
ನಾಯಕ ಮಣಿಂದರ್‌ ಸಿಂಗ್‌ (9 ಅಂಕ), ಡಿಫೆಂಡರ್‌ ಶುಭಂ ಶಿಂದೆ (7 ಅಂಕ) ಬೆಂಗಾಲ್‌ ಜಯದ ರೂವಾರಿಗಳೆನಿಸಿದರು. ಬೆಂಗಳೂರು ಬುಲ್ಸ್‌ ತಂಡದಲ್ಲಿ ರೈಡರ್‌ ಭರತ್‌ ಅವರದು ಏಕಾಂಗಿ ಹೋರಾಟವಾಗಿತ್ತು. ಅವರು 10 ಅಂಕ ಗಳಿಸಿದರು.
ದಿನದ ದ್ವಿತೀಯ ಪಂದ್ಯದಲ್ಲಿ ಆತಿಥೇಯ ಜೈಪುರ್‌ ಪಿಂಕ್‌ ಪ್ಯಾಂಥರ್ 31-29 ಅಂಕಗಳಿಂದ ಯು ಮುಂಬಾವನ್ನು ಮಣಿಸಿ ಅಗ್ರಸ್ಥಾನಕ್ಕೆ ನೆಗೆಯಿತು. 1,000ನೇ ಪಂದ್ಯಕ್ಕೂ ಮುನ್ನ ಐವರು ಲೆಜೆಂಡ್ರಿ ಕಬಡ್ಡಿ ಆಟಗಾರರಾದ ಅನೂಪ್‌ ಕುಮಾರ್‌, ಧರ್ಮರಾಜ್‌ ಚೆರಲಥಾನ್‌, ಅಜಯ್‌ ಠಾಕೂರ್‌, ಮನ್‌ಜೀತ್‌ ಚಿಲ್ಲಾರ್‌ ಮತ್ತು ರಿಷಾಂಕ್‌ ದೇವಾಡಿಗ ಅವರನ್ನು ಗೌರವಿಸಲಾಯಿತು.