Pro Kabaddi; ಜೈಪುರ್‌-ತಮಿಳ್‌ ತಲೈವಾಸ್‌ ಪಂದ್ಯ ಟೈ

ಹೈದರಾಬಾದ್‌: ಜೈಪುರ್‌ ಪಿಂಕ್‌ ಪ್ಯಾಂಥರ್ ಮತ್ತು ತಮಿಳ್‌ ತಲೈವಾಸ್‌ ನಡುವಿನ ರವಿವಾರದ ಮೊದಲ ಪ್ರೊ ಕಬಡ್ಡಿ ಪಂದ್ಯ ಜಿದ್ದಾಜಿದ್ದಿ ಹೋರಾಟ ಕಂಡು ಟೈಯಲ್ಲಿ ಅಂತ್ಯಗೊಂಡಿತು. ಎರಡೂ ತಂಡಗಳು ತಲಾ 30 ಅಂಕ ಗಳಿಸಿದವು. ಇದರೊಂದಿಗೆ ಸತತ 2 ದಿನ 2 ಪಂದ್ಯ ಟೈ ಆದಂತಾಯಿತು.

ಕೊನೆಯ 41 ಸೆಕೆಂಡ್‌ಗಳಲ್ಲಿ 2 ಅಂಕ ಗಳಿಸುವಲ್ಲಿ ಯಶಸ್ವಿಯಾದ ತಲೈವಾಸ್‌, ಪಂದ್ಯವನ್ನು ಸಮಬಲಕ್ಕೆ ತಂದಿತು. ತಮಿಳ್‌ ಪರ ರೈಡರ್‌ ಸಚಿನ್‌ 11 ಅಂಕ ಗಳಿಸಿದರು. ಜೈಪುರ್‌ ನಾಯಕ ಅರ್ಜುನ್‌ ದೇಶ್ವಾಲ್‌ 7, ರೈಡರ್‌ ವಿಕಾಸ್‌ ಕಂಡೋಲ 6 ಅಂಕ ತಂದಿತ್ತರು. ಇದರೊಂದಿಗೆ ಎರಡೂ ತಂಡಗಳು 2 ಜಯ, ಒಂದು ಸೋಲು ಹಾಗೂ ಒಂದು ಟೈ ಫ‌ಲಿತಾಂಶವನ್ನು ದಾಖಲಿಸಿದಂತಾಯಿತು.

ಯೋಧಾಸ್‌ಗೆ ಜಯ: ಇನ್ನೊಂದು ಪಂದ್ಯ ದಲ್ಲಿ ಯುಪಿ ಯೋಧಾಸ್‌ 35-29 ಅಂಕಗಳಿಂದ ಗುಜರಾತ್‌ ಜೈಂಟ್ಸ್‌ಗೆ ಸೋಲುಣಿಸಿತು.

ಇಂದಿನ ಪಂದ್ಯ
1. ಹರಿಯಾಣ ಡೆಲ್ಲಿ
ಆರಂಭ: ರಾತ್ರಿ 8 ಗಂಟೆ

2. ತೆಲುಗು ಪಾಟ್ನಾ
ಆರಂಭ: ರಾತ್ರಿ 9 ಗಂಟೆ

ಪ್ರಸಾರ: ಸ್ಟಾರ್‌ ಸ್ಪೋರ್ಟ್ಸ್