Pro Kabaddi: ಡೆಲ್ಲಿ,ತಲೈವಾಸ್‌ ಜಯ

ಹೈದರಾಬಾದ್‌: ರೋಚಕ ಸೆಣಸಾಟವೊಂದರಲ್ಲಿ ದಬಾಂಗ್‌ ಡೆಲ್ಲಿ 35-32 ಅಂಕಗಳಿಂದ ಹರ್ಯಾಣ ಸ್ಟೀಲರ್ಗೆ ಸೋಲುಣಿಸಿ ತನ್ನ 3ನೇ ಸ್ಥಾನವನ್ನು ಗಟ್ಟಿಗೊಳಿಸಿದೆ. ಇದು 15 ಪಂದ್ಯಗಳಲ್ಲಿ ಡೆಲ್ಲಿ ಸಾಧಿಸಿದ 9ನೇ ಜಯ.
ನಾಯಕ ಆಶು ಮಲಿಕ್‌ 14 ಅಂಕ ಗಳಿಸಿ ಡೆಲ್ಲಿ ಜಯದಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಹರ್ಯಾಣ ಪರ ರೈಡರ್‌ ಸಿದ್ಧಾರ್ಥ್ ದೇಸಾಯಿ 11 ಅಂಕ ತಂದಿತ್ತರು.

ದಿನದ 2ನೇ ಪಂದ್ಯದಲ್ಲಿ ತಮಿಳ್‌ ತಲೈವಾಸ್‌ ಆತಿಥೇಯ ತೆಲುಗು ಟೈಟಾನ್ಸ್‌ ತಂಡವನ್ನು 54-29 ಅಂಕಗಳ ಭಾರೀ ಅಂತರದಿಂದ ಕೆಡವಿತು. ಇದರೊಂದಿಗೆ ಟೈಟಾನ್ಸ್‌ 16 ಪಂದ್ಯಗಳಲ್ಲಿ 14ನೇ ಸೋಲನುಭವಿಸಿ ತನ್ನ ಸಂಕಟವನ್ನು ಮುಂದುವರಿಸಿತು. ತಮಿಳ್‌ 15 ಪಂದ್ಯಗಳಲ್ಲಿ 6ನೇ ಜಯ ಸಾಧಿಸಿತು. ತಲೈವಾಸ್‌ ಪರ ಅಜಿಂಕ್ಯ ಪವಾರ್‌ 11, ನಾಯಕ ಸಾಗರ್‌ 8 ಅಂಕ ಗಳಿಸಿದರು.