Pro Kabaddi: ಬೆಂಗಳೂರು ಬುಲ್ಸ್‌ಗೆ 19ನೋ ಸೋಲು

ಪುಣೆ: ಈ ಬಾರಿಯ ಪ್ರೊ ಕಬಡ್ಡಿ ಲೀಗ್‌ ಹಂತ ಮಂಗಳವಾರ ಮುಕ್ತಾಯವಾಗಿದೆ. ಡಿ.26ರಿಂದ (ಗುರುವಾರ) ಪ್ಲೇಆಫ್ ಹಂತ ಆರಂಭವಾಗಲಿದೆ. ಮಂಗಳವಾರ ನಡೆದ ಮೊದಲ ಪಂದ್ಯದಲ್ಲಿ ಪ್ರದೀಪ್‌ ನರ್ವಾಲ್‌ ನಾಯಕತ್ವದ ಬೆಂಗಳೂರು ಬುಲ್ಸ್‌ 30-44ರಿಂದ ಯುಪಿ ಯೋಧಾಸ್‌ ವಿರುದ್ಧ ಹೀನಾಯ ಸೋಲನುಭವಿಸಿದೆ. ಆಡಿದ 22 ಪಂದ್ಯಗಳಲ್ಲಿ ಇದು ತಂಡಕ್ಕೆದುರಾದ 19ನೇ ಸೋಲು. 2 ಪಂದ್ಯ ಸೋತರೆ, 1 ಪಂದ್ಯ ಟೈಗೊಂಡಿದೆ.

ಬೆಂಗಳೂರು ಪರ ಪ್ರದೀಪ್‌ 6 ಅಂಕ ಪಡೆದರು. ತಂಡ ಸೋತರೂ ನರ್ವಾಲ್‌ ದಾಖಲೆ ನಿರ್ಮಿಸಿದರು. ಅವರು ಪ್ರೊ ಕಬಡ್ಡಿ ಇತಿಹಾಸದಲ್ಲೇ 1800 ದಾಳಿ ಅಂಕ ಪಡೆದ ಏಕೈಕ ಆಟಗಾರನೆನಿಸಿದರು. ಇನ್ನು ಸುಶೀಲ್‌ ಕೂಡ ದಾಳಿಯಲ್ಲಿ ಮಿಂಚಿ 12 ಅಂಕ ಪಡೆದರು. ಉಳಿದಂತೆ ಇತರೆ ಆಟಗಾರರ ವೈಫ‌ಲ್ಯ ತಂಡಕ್ಕೆ ಮುಳುವಾಯಿತು.

ಯುಪಿ ಪರ ಶಿವಂ ದುಬೆ ಅತ್ಯುತ್ತಮ ದಾಳಿ ಮಾಡಿದರು. ಅವರು 20 ಬಾರಿ ದಾಳಿ ಮಾಡಿ, 11 ಅಂಕ ಪಡೆದರು. ರಕ್ಷಣೆಯಲ್ಲೂ 2 ಅಂಕ ಪಡೆದರು. ನಾಯಕ ಸುರೇಂದರ್‌ ಗಿಲ್‌ 9 ಅಂಕಗಳನ್ನು ಪಡೆದರು.