Pro Kabaddi; ಅ. 9, 10: ಆಟಗಾರರ ಹರಾಜು: 4 ವಿಭಾಗಗಳಾಗಿ ಆಟಗಾರರ ವಿಂಗಡಣೆ

ಮುಂಬಯಿ: ಪ್ರೊ ಕಬಡ್ಡಿ 10ನೇ ಸೀಸನ್‌ಗಾಗಿ ಆಯ್ಕೆಗಾರರ ಹರಾಜು ಪ್ರಕ್ರಿಯೆ ಅ. 9 ಮತ್ತು 10ರಂದು ಮುಂಬಯಿಯಲ್ಲಿ ನಡೆಯಲಿದೆ. ಶುಕ್ರವಾರ ಕೂಟದ ಸಂಘಟಕರು ಇದನ್ನು ಪ್ರಕಟಿಸಿದರು.

ದೇಶಿ ಹಾಗೂ ವಿದೇಶಿ ಆಟಗಾರರನ್ನು ಎ, ಬಿ, ಸಿ, ಡಿ ಎಂದು 4 ವಿಭಾಗಗಳಾಗಿ ವಿಂಗಡಿಸಲಾಗಿದೆ. ಕ್ರಮವಾಗಿ 30 ಲಕ್ಷ ರೂ., 20 ಲಕ್ಷ ರೂ., 13 ಲಕ್ಷ ರೂ. ಹಾಗೂ 9 ಲಕ್ಷ ರೂ. ಮೂಲ ಬೆಲೆಯನ್ನು ನಿಗದಿ ಮಾಡಲಾಗಿದೆ. ಆಟಗಾರರನ್ನು ಆಲ್‌ರೌಂಡರ್, ಡಿಫೆಂಡರ್ ಮತ್ತು ರೈಡರ್ ಎಂದೂ ವಿಂಗಡಿಸಲಾಗಿದೆ. ಹರಾಜು ಪ್ರಕ್ರಿಯೆ ಸೆ. 8, 9ರಂದು ನಡೆಯಬೇಕಿತ್ತು. ಆದರೆ ಏಷ್ಯಾಡ್‌ ತಯಾರಿಗಾಗಿ ಇದನ್ನು ಮುಂದೂಡಲಾಗಿತ್ತು.