Pro Kabaddi: ಗುಜರಾತ್‌ಗೆ 7ನೇ ಸೋಲು

ಹೈದರಾಬಾದ್‌: ಪ್ರೊ ಕಬಡ್ಡಿ ಪಂದ್ಯಾವಳಿಯಲ್ಲಿ ಗುಜರಾತ್‌ ಜೈಂಟ್ಸ್‌ ತಂಡದ ಸೋಲಿನ ಆಟ ಮುಂದುವರಿದಿದೆ. ಸೋಮವಾರದ ಪಂದ್ಯದಲ್ಲಿ ಪಾಟ್ನಾ ಪೈರೆಟ್ಸ್‌ 40-27 ಅಂತರದಿಂದ ಗುಜರಾತ್‌ ತಂಡವನ್ನು ಕೆಡವಿದೆ.

ಪಾಟ್ನಾ 8 ಪಂದ್ಯಗಳಲ್ಲಿ 5ನೇ ಜಯ ಸಾಧಿಸಿದರೆ, ಗುಜರಾತ್‌ ಇಷ್ಟೇ ಪಂದ್ಯಗಳಲ್ಲಿ 7ನೇ ಸೋಲನುಭವಿಸಿತು. ಪಾಟ್ನಾ ಪರ ರೈಡರ್‌ ಅಯಾನ್‌ ಸರ್ವಾಧಿಕ 10 ಅಂಕ ಗಳಿಸಿ ಮಿಂಚಿದರು. ದೇವಾಂಗ್‌ 6 ಅಂಕ ತಂದುಕೊಟ್ಟರು. ಗುಜರಾತ್‌ ನಾಯಕ ದುಮಾನ್‌ ಸಿಂಗ್‌ ಮತ್ತು ಪ್ರತೀಕ್‌ ದಹಿಯಾ ತಲಾ ಐದಂಕ ಗಳಿಸಿದರು.

ಹರಿಯಾಣ ಜಯ: ದ್ವಿತೀಯ ಪಂದ್ಯದಲ್ಲಿ ಯು ಮುಂಬಾವನ್ನು ಓವರ್‌ಟೇಕ್‌ ಮಾಡಿದ ಹರಿಯಾಣ ಸ್ಟೀಲರ್ 48-39 ಅಂತರದಿಂದ ಗೆದ್ದು ಬಂದಿತು. ರೈಡರ್‌ಗಳಾದ ವಿಶಾಲ್‌ ಟೇಟೆ 11, ಶಿವಂ ಪಟಾರೆ 10 ಅಂಕ ಬೇಟೆಯಾಡಿದರು. ಇದು 8 ಪಂದ್ಯಗಳಲ್ಲಿ ಹರಿಯಾಣ ಸಾಧಿಸಿದ 6ನೇ ಗೆಲುವು. ಮುಂಬಾ ರೈಡರ್‌ ಅಜಿತ್‌ ಚೌಹಾಣ್‌ 18 ಅಂಕ ಕಲೆಹಾಕಿದರು.