ಪ್ರೊ ಕಬಡ್ಡಿ: 9 ಫ್ರಾಂಚೈಸಿಗಳಿಂದ 21 ಆಟಗಾರರ ಉಳಿಕೆ

ನವದೆಹಲಿ: ಐದು ಆವೃತ್ತಿಯನ್ನು ಯಶಸ್ವಿಯಾಗಿ ಮುಗಿಸಿರುವ ಪ್ರೊ ಕಬಡ್ಡಿ ಲೀಗ್‌ 6ನೇ ಆವೃತ್ತಿಗೆ ಸಜ್ಜಾಗಿದೆ. ಅ.19 ರಿಂದ 6ನೇ ಆವೃತ್ತಿ ಆರಂಭವಾಗಲಿದೆ. ವಿಶೇಷ ಎಂದರೆ 9 ಫ್ರಾಂಚೈಸಿಗಳು 21 ಆಟಗಾರರನ್ನು ತಮ್ಮಲ್ಲಿಯೇ ಉಳಿಸಿಕೊಂಡಿವೆ.

ಬೆಂಗಳೂರು ಬುಲ್ಸ್‌ ರೋಹಿತ್‌ ಕುಮಾರ್‌ ಅವರನ್ನು ಮಾತ್ರ ಉಳಿಸಿಕೊಂಡಿದೆ. ಉಳಿದಂತೆ ಪ್ರಮುಖವಾಗಿ ಬೆಂಗಾಲ್‌ ತಂಡ ಸುರ್ಜೀತ್‌ ಸಿಂಗ್‌, ಮಣಿಂದರ್‌ ಸಿಂಗ್‌ ಅವರನ್ನು ಉಳಿಸಿಕೊಂಡಿದೆ. ದಬಾಂಗ್‌ ದೆಹಲಿ ತಂಡ ಮಿರಾಜ್‌ ಶೇಖ್‌ ಅವರನ್ನು ಉಳಿಸಿಕೊಂಡಿದೆ. ಗುಜರಾತ್‌ ತಂಡ ಸಚಿನ್‌, ಸುನೀಲ್‌ ಕುಮಾರ್‌ ಮತ್ತು ಮಹೇಂದ್ರ ಗಣೇಶ್‌ ಅವರನ್ನು ಉಳಿಸಿಕೊಂಡಿದೆ. ಹರ್ಯಾಣ ತಂಡ ಕುಲದೀಪ್‌ ಸಿಂಗ್‌ ಅವರನ್ನು, ಪಾಟ್ನಾ ತಂಡ ಪ್ರದೀಪ್‌ ನರ್ವಾಲ್‌, ಜೈದೀಪ್‌, ಜವಾಹರ್‌ ಮತ್ತು ಮನೀಶ್‌ ಕುಮಾರ್‌ ಅವರನ್ನು ಉಳಿಸಿಕೊಂಡಿದೆ.

ಪುನೇರಿ ತಂಡ ಸಂದೀಪ್‌ ನರ್ವಾಲ್‌, ರಾಜೇಶ್‌ ಮಂಡಲ್‌, ಜಿ.ಬಿ.ಮೋರೆ, ಗಿರೀಶ್‌ ಅವರನ್ನು ಉಳಿಸಿಕೊಂಡಿದೆ. ತಮಿಳ್‌ ತಂಡ ಅಜಯ್‌ ಠಾಕೂರ್‌, ಅಮಿತ್‌ ಹೂಡಾ, ಸಿ.ಅರುಣ್‌ ಅವರನ್ನು ಉಳಿಸಿಕೊಂಡಿದೆ. ತೆಲುಗು ತಂಡ ನಿಲೇಶ್‌, ಮೊಹಸೆನ್‌ ಅವರನ್ನು ಉಳಿಸಿಕೊಂಡಿದೆ.