Advertisement
ಬುಲ್ಸ್‌ ಮೇಲುಗೈಯಲ್ಲಿ ರೈಡರ್‌ ಭರತ್‌ ಮಹತ್ವದ ಪಾತ್ರ ವಹಿಸಿದರು. ಅವರ ಕೊಡುಗೆ 14 ಅಂಕ. ಮತ್ತೋರ್ವ ರೈಡರ್‌ ನೀರಜ್‌ ನರ್ವಾಲ್‌ ಕೂಡ ಉತ್ತಮ ಪ್ರದರ್ಶನವಿತ್ತು 6 ಅಂಕ ಗಳಿಸಿದರು. ಡಿಫೆಂಡರ್‌ ಸೌರಭ್‌ ನಂದಲ್‌ 5 ಅಂಕ ತಂದಿತ್ತರು. ಆರಂಭದಲ್ಲಿ ಮೇಲುಗೈ ಹೊಂದಿದ್ದ ಬುಲ್ಸ್‌ ಬಳಿಕ ತುಸು ಮಂಕಾಯಿತು. ಆದರೆ ದ್ವಿತೀಯಾರ್ಧದಲ್ಲಿ ಲಯ ಕಂಡುಕೊಳ್ಳುವಲ್ಲಿ ಯಶಸ್ವಿಯಾಯಿತು. ತಮಿಳ್‌ ಪರ ರೈಡರ್‌ ನರೇಂದರ್‌ ಸರ್ವಾಧಿಕ 10 ಅಂಕ ಗಳಿಸಿದರು.
ಮೊದಲ ಪಂದ್ಯದಲ್ಲಿ ಯು ಮುಂಬಾ 36-23 ಅಂಕಗಳ ಅಂತರದಿಂದ ಪಾಟ್ನಾ ಪೈರೇಟ್ಸ್‌ಗೆ ಸೋಲುಣಿಸಿತು. ಇದು 13 ಪಂದ್ಯಗಳಲ್ಲಿ ಮುಂಬಾಗೆ ಒಲಿದ 8ನೇ ಗೆಲುವು. ಪಾಟ್ನಾ ಇಷ್ಟೇ ಪಂದ್ಯಗಳಲ್ಲಿ ಅನುಭವಿಸಿದ 5ನೇ ಸೋಲು.
ಮುಂಬಾ ಜಯದಲ್ಲಿ ಮಿಂಚಿದವರು ರೈಡರ್‌ ಗುಮಾನ್‌ ಸಿಂಗ್‌ (13 ಅಂಕ). ಮತ್ತೋರ್ವ ರೈಡರ್‌ ಆಶಿಷ್‌ 6 ಅಂಕ ಗಳಿಸಿದರು. ಪಾಟ್ನಾ ತಂಡದಲ್ಲಿ ಆಲ್‌ರೌಂಡರ್‌ ರೋಹಿತ್‌ ಗುಲಿಯಾ (7 ಅಂಕ), ರೈಡರ್‌ ಸಚಿನ್‌ (5 ಅಂಕ) ಆಟವಷ್ಟೇ ಗಮನಾರ್ಹ ಮಟ್ಟದಲ್ಲಿತ್ತು.