ಪ್ರೊ ಹಾಕಿ ಲೀಗ್‌ ವೇಳಾಪಟ್ಟಿ ಬಿಡುಗಡೆ

ಲಾಸನ್ನೆ: ಪ್ರೊ ಹಾಕಿ ಲೀಗ್‌ನ ಮೊದಲನೇ ಆವೃತ್ತಿಯ ವೇಳಾಪಟ್ಟಿಯನ್ನು ಅಂತಾರಾಷ್ಟ್ರೀಯ ಹಾಕಿ ಒಕ್ಕೂಟ (ಎಫ್ಐಎಫ್) ಬಿಡುಗಡೆ ಮಾಡಿದೆ. ಆದರೆ ಭಾರತ ಈ ಕೂಟದಲ್ಲಿ ಪಾಲ್ಗೊಳ್ಳುತ್ತಿಲ್ಲ.

2019 ಜ. 19 ರಿಂದ ಕೂಟ ಆರಂಭವಾಗಲಿದೆ. ಪುರುಷರ ವಿಭಾಗದಲ್ಲಿ 9 ಮತ್ತು ಮಹಿಳೆಯರ ವಿಭಾಗದಲ್ಲಿ 9 ರಾಷ್ಟ್ರಗಳು ಪಾಲ್ಗೊಳ್ಳಲಿವೆ. ಟೂರ್ನಿ ಜನವರಿಯಿಂದ ಜೂನ್‌ವರೆಗೆ ನಡೆಯಲಿದೆ. ಪ್ರತಿ ತಂಡವು ತವರಿನಲ್ಲಿ 8 ಪಂದ್ಯ ಮತ್ತು ವಿದೇಶದಲ್ಲಿ 8 ಪಂದ್ಯವನ್ನು ಆಡಲಿದೆ. ಈ ಕೂಟದಲ್ಲಿ ಪಾಲ್ಗೊಂಡರೆ ಒಲಿಂಪಿಕ್ಸ್‌ಗೆ ಅರ್ಹತೆ ಪಡೆಯಲು ಸಮಸ್ಯೆಯಾಗುತ್ತದೆ ಎಂಬ ಹಿನ್ನೆಲೆಯಲ್ಲಿ ಭಾರತ ಟೂರ್ನಿಯಿಂದ ಹಿಂದೆ ಸರಿದಿದೆ ಎನ್ನಲಾಗಿದೆ.