ಟಾಲಿವುಡ್ ಗೆ ಹಾರಿದ ಕಣ್ಸನ್ನೆ ಬೆಡಗಿ

ತನ್ನ ಕಣ್ಣೋಟದಿಂದಲೇ ಎಲ್ಲರ ಗಮನ ಸೆಳೆದ ಕಣ್ಸನ್ನೆ ಹುಡುಗಿ ಪ್ರಿಯಾ ಪ್ರಕಾಶ್ ವಾರಿಯರ್ ಕಣ್ಣು ಈಗ ಟಾಲಿವುಡ್ ನತ್ತ ಬಿದ್ದಿದೆ. ಇನ್ನೂ ಹೆಸರಿಡದ ಚಿತ್ರದಲ್ಲಿ ತೆಲುಗು ಸ್ಟಾರ್ ನಿತಿನ್ ಜೊತೆ ಪ್ರಿಯಾ ವಾರಿಯರ್ ತೆರೆ ಹಂಚಿಕೊಳ್ಳಲಿದ್ದಾರೆ.

ಅಂದಹಾಗೆ ಈ ಚಿತ್ರದಲ್ಲಿ ರಾಕುಲ್ ಪ್ರೀತ್ ಸಿಂಗ್ ಕೂಡಾ ನಾಯಕಿಯಾಗಿದ್ದಾರೆ. ರಾಕುಲ್ ಇದೇ ಮೊದಲ ಬಾರಿಗೆ ನಿತಿನ್ ಜೊತೆ ನಟಿಸುತ್ತಿದ್ದಾರೆ. ಇತ್ತೀಚಿಗಷ್ಟೆ ಚಿತ್ರದ ಲಾಂಚ್ ಕಾರ್ಯಕ್ರಮ ನಡೆದಿದ್ದು, ಮೊದಲ ದಿನದ ಶೂಟ್ ನಲ್ಲಿ ನಿತಿನ್ ಜೊತೆ ಪ್ರಿಯಾ ಕಾಣಿಸಿಕೊಂಡಿದ್ದಾರೆ.

ಈ ಹೊಸ ಚಿತ್ರಕ್ಕೆ ಕೀರವಾಣಿ ಅವರ ಸಂಗೀತವಿದೆ. ಚಂದ್ರಶೇಖರ್ ಯೆಲಟಿ ಈ ಚಿತ್ರದ ನಿರ್ದೇಶನದ ಹೊಣೆ ಹೊತ್ತಿದ್ದು, ಭವ್ಯ ಕ್ರಿಯೇಶನ್ ನ ಆನಂದ್ ಪ್ರಸಾದ್ ನಿರ್ಮಾಣ ಮಾಡುತ್ತಿದ್ದಾರೆ.