ಶಾಟ್‌ಗನ್‌ ವಿಶ್ವಕಪ್‌ ಗುರಿ ತಪ್ಪಿದ ಪೃಥ್ವಿರಾಜ್‌, ಖ್ಯಾನ್‌

ಅಕಾಪುಲ್ಕೊ (ಮೆಕ್ಸಿಕೊ): ಇಲ್ಲಿ ನಡೆಯುತ್ತಿರುವ “ಐಎಸ್‌ಎಸ್‌ಎಫ್ ಶಾಟ್‌ಗನ್‌ ವಿಶ್ವಕಪ್‌’ ಕೂಟದಲ್ಲಿ ಪೈನಲ್‌ ಪ್ರವೇಶಿಸುವ ನಿರೀಕ್ಷೆಯಲ್ಲಿದ್ದ ಭಾರತದ ಖ್ಯಾನ್‌ ಚೆನೈ ಮತ್ತು ಪೃಥ್ವಿರಾಜ್‌ ತೊಂಡೈಮನ್‌ ನಿರಾಸೆ ಮೂಡಿಸಿದ್ದಾರೆ. ಪುರುಷರ ಟ್ರ್ಯಾಪ್‌ ವಿಭಾಗದ ಅಂತಿಮ ಅರ್ಹತಾ ಸುತ್ತಿನಲ್ಲಿ ಸೋತು ಫೈನಲ್‌ ಪ್ರವೇಶಿಸುವಲ್ಲಿ ವಿಫ‌ಲರಾಗಿದ್ದಾರೆ.

ಈ ಸ್ಪರ್ಧೆಯಲ್ಲಿ ಆಸ್ಟ್ರೇಲಿಯದ ಜೇಮ್ಸ್‌ ವಿಲ್ಲೆಟ್‌ ಚಿನ್ನದ ಪದಕ ಗೆದ್ದರು. ಕೊನೆಯ ಅರ್ಹತಾ ಸುತ್ತಿನಲ್ಲಿ ಖ್ಯಾನ್‌ 24 ಅಂಕ ಗಳಿಸಿದ್ದರು. ಈ ಅಂಕ ಅವರನ್ನು 6ನೇ ಹಾಗೂ ಅಂತಿಮ ಅರ್ಹತಾ ಸ್ಥಾನಕ್ಕಾಗಿ ನಡೆದ ಸಿಕ್ಸ್‌ವೇ ಶೂಟ್‌ಆಫ್ಗೆ ಪ್ರವೇಶಿಸುವಂತೆ ಮಾಡಿತು. ಇದರಲ್ಲಿ ಖ್ಯಾನ್‌ ನಿರೀಕ್ಷಿತ ಪ್ರದರ್ಶನ ನೀಡುವಲ್ಲಿ ಎಡವಿದರು. ಪೃಥ್ವಿರಾಜ್‌ ಪಫೆìಕ್ಟ್ 25ರ ಮೂರೂ ಸುತ್ತಿನಲ್ಲಿ ವಿಫ‌ಲಾಗಿ 35ನೇ ಸ್ಥಾನಿಯಾಗಿ ಸ್ಪರ್ಧೆ ಮುಗಿಸಿದರು.