ಅಣ್ವಸ್ತ್ರ ಹೊತ್ತೊಯ್ಯಬಲ್ಲ ಪ್ರಥ್ವಿ-2 ಪರೀಕ್ಷಾರ್ಥ ಉಡಾವಣೆ ಯಶಸ್ವಿ 

ಬಾಲಸೋರ್‌: ಅಣ್ವಸ್ತ್ರಗಳನ್ನು ಹೊತ್ತೊಯ್ಯಬಲ್ಲ ಸಾಮರ್ಥ್ಯವಿರುವ ಸ್ವದೇಶಿ ನಿರ್ಮಿತ ಪೃಥ್ವಿ-2 ಬ್ಯಾಲಿಸ್ಟಿಕ್ ಕ್ಷಿಪಣಿಯ ಪರೀಕ್ಷಾರ್ಥ ಪ್ರಯೋಗವನ್ನು ಶುಕ್ರವಾರ ಭಾರತೀಯ ಸೇನೆ ಯಶಸ್ವಿಯಾಗಿ ನಡೆಸಿದೆ. 

8.56 ಮೀಟರ್ ಎತ್ತರ, 4,600 ಕಿಲೋಗ್ರಾಂಗಳಷ್ಟು ತೂಗುವ  ಮಧ್ಯಮ ವ್ಯಾಪ್ತಿಯ ನೆಲದಿಂದ ನೆಲಕ್ಕೆ ಜಿಗಿರುವ ಪ್ರಥ್ವಿ 2 ಕ್ಷಿಪಣಿಯನ್ನು  ಸೇನೆ ಸುಮಾರು ಬೆಳಗ್ಗೆ 9.50 ಕ್ಕೆ ಒರಿಸ್ಸಾದ ಚಂಡಿಪುರ್ ನಲ್ಲಿ ಯಶಸ್ವಿಯಾಗಿ ಪರೀಕ್ಷೆ ನಡೆಸಿದೆ ಎಂದು ಎಎನ್‌ಐ ವರದಿ ಮಾಡಿದೆ. 

ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ(ಡಿಆರ್‌ಡಿಓ) ಮತ್ತು ಭಾರತ್ ಡೈನಾಮಿಕ್ಸ್ ಲಿಮಿಟೆಡ್ (ಬಿಡಿಎಲ್) ಜಂಟಿಯಾಗಿ  ತಯಾರಿಸಿರುವ ಪೃಥ್ವಿ 2 ಕ್ಷಿಪಣಿ 350 ಕಿಮಿ ದೂರದ ಗುರಿ ತಲುಪುವ ಶಕ್ತಿ ಹೊಂದಿದೆ. 500 ರಿಂದ 1000 ಕೆಜಿ ತೂಕದ  ಶಸ್ತ್ರಾಸ್ತ್ರಗಳನ್ನು ಹೊತ್ತೂಯ್ಯುವ ಸಾಮರ್ಥ್ಯವನ್ನೂ  ಹೊಂದಿವೆ.