ಹಾಸ್ಯ ನಟನಾದ ಬ್ರಿಟನ್‌ ಪ್ರಿನ್ಸ್‌

ಕೋವಿಡ್-19 ವಿರುದ್ಧ ಹೋರಾಟಕ್ಕಾಗಿ ದೇಣಿಗೆ ಸಂಗ್ರಹಿಸಲು ಬಿಬಿಸಿ ಆಯೋಜಿಸಿದ್ದ “ದಿ ಬಿಗ್‌ ನೈಟ್‌ ಇನ್‌’ ಕಿರು ಚಿತ್ರ ಕಾರ್ಯಕ್ರಮದಲ್ಲಿ ಬ್ರಿಟನ್‌ ರಾಜಕುಮಾರ ಪ್ರಿನ್ಸ್‌ ವಿಲಿಯಂ ಭಾಗವಹಿಸಿ ಹಾಸ್ಯ ನಟನಾಗಿ ರಂಜಿಸಿದರು.

ಖ್ಯಾತ ಆಂಗ್ಲ ಹಾಸ್ಯ ನಟ ಸ್ಟೀಫ‌ನ್‌ ಫ್ರೈ ಜತೆಗೆ ವಿಡಿಯೊ ಸಂಭಾಷಣೆ ನಡೆಸಿದ ಫ್ರಿನ್ಸ್‌ ಅವರು ರಾಯಲ್‌ ಫ್ಯಾಮಿಲಿ ಬಗ್ಗೆ ಮಾತನಾಡಿದರು. ಮಾತ್ರವಲ್ಲ ತನ್ನ ಬಗ್ಗೆ ತಾನೇ ಹಾಸ್ಯ ಮಾಡಿಕೊಂಡರು. ಈ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ. ಇದೇ ಮೊದಲ ಬಾರಿಗೆ ವಿಲಿಯಂ ಕಾಮಿಡಿ ನಟನಾಗಿ ನಟಿಸಿ ಎಲ್ಲರಲ್ಲೂ ಅಚ್ಚರಿ ಮೂಡಿಸಿದರು.