2020ಕ್ಕೆ ಪ್ರಧಾನಿ ಮ್ಯೂಸಿಯಂ

ಹೊಸದಿಲ್ಲಿ: ರಾಷ್ಟ್ರ ರಾಜಧಾನಿಯಲ್ಲಿನ ತೀನ್‌ ಮೂರ್ತಿ ಭವನದಲ್ಲಿ ಭಾರತದ ಪ್ರಧಾನಿಗಳ ಮ್ಯೂಸಿಯಂ ನಿರ್ಮಾಣ ಕಾಮಗಾರಿಯನ್ನು ಮುಂದಿನ ವರ್ಷದ ಮಾರ್ಚ್‌ ಒಳಗೆ ಮುಗಿಸಲು ನಿರ್ಧರಿಸಲಾಗಿದೆ.

ಲೋಕೋಪಯೋಗಿ ಇಲಾಖೆ ಈ ಗುರಿ ವಿಧಿಸಿದೆ. ವಿವಿಧ ಕಾಮಗಾರಿಗಳನ್ನು ನಡೆಸಲು ಈಗಾಗಲೇ ಗುತ್ತಿಗೆ ನೀಡಲಾಗಿದೆ. ತೀನ್‌ಮೂರ್ತಿ ಭವನವು ನೆಹರೂ ಅವರ ಅಧಿಕೃತ ನಿವಾಸವಾಗಿತ್ತು. ಇಲ್ಲಿನ ನೆಹರೂ ಮ್ಯೂಸಿಯಂ ಜೊತೆಗೆ ಈಗ ದೇಶದ ಎಲ್ಲ ಪ್ರಧಾನಿಗಳ ಮ್ಯೂಸಿಯಂ ಅನ್ನೂ ನಿರ್ಮಿಸಲು ಭಾರತ ಸರಕಾರ ನಿರ್ಧರಿಸಿತ್ತು. ನಿರ್ಮಾಣ ಕಾಮಗಾರಿ ಶುರುವಾ ಗಿದೆ. ಕಾಮಗಾರಿಯನ್ನು ಲೋಕೋಪಯೋಗಿ ಇಲಾಖೆ ನಿರ್ವಹಿಸುತ್ತಿದ್ದು, ನಿರ್ಮಾಣವಾದ ಅನಂತರ ಸಂಸ್ಕೃತಿ ಸಚಿವಾಲಯ ಇದರ ಉಸ್ತುವಾರಿ ನೋಡಿಕೊಳ್ಳಲಿದೆ.