ಫೆ.1ರ ಆಯವ್ಯಯ ಆತ್ಮನಿರ್ಭರ ಪ್ಯಾಕೇಜ್‌ನ ಭಾಗ: ಪ್ರಧಾನಿ ಮೋದಿ

ನವದೆಹಲಿ : 2020ರ ಲಾಕ್‌ಡೌನ್‌ ವೇಳೆ ವಿತ್ತ ಸಚಿವರು ಪ್ಯಾಕೇಜ್‌ ಮಾದರಿಯ 4-5 ಮಿನಿ ಬಜೆಟ್‌ಗಳನ್ನು ನೀಡಿದ್ದಾರೆ.

ಇವುಗಳ ಮುಂದುವರಿದ ಭಾಗವಾಗಿ ಫೆ.1ರ ಬಜೆಟ್‌ ಇರಲಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಘೋಷಿಸಿ­ದ್ದಾರೆ.

ಅಧಿವೇಶನಕ್ಕೂ ಮುನ್ನ ಸುದ್ದಿಗಾರರೊಂದಿಗೆ ಮಾತನಾಡಿದ ಪ್ರಧಾನಿ, “ದಶಕದ ಮೊದಲ ಅಧಿವೇಶನ ಇದಾಗಿದೆ. ಭಾರತವನ್ನು ಉಜ್ವಲವಾಗಿಸುವಲ್ಲಿ ಈ ದಶಕದ ಪಾತ್ರ ಅತಿಮುಖ್ಯ. ರಾಷ್ಟ್ರದ ಜನತೆಯ ಹಿತದೃಷ್ಟಿಗಾಗಿ ಸಂಸದರು ಎಲ್ಲ ಸಂಗತಿಗಳು, ಸಮಸ್ಯೆಗಳ ಕುರಿತು ಚರ್ಚಿಸಬೇಕು. ಜನರ ಆಶೋತ್ತರ ಈಡೇರಿಸುವಲ್ಲಿ ಸಂಸದರು ಯಾವುದೇ ಹಿಂಜರಿಕೆ ಇಟ್ಟುಕೊಳ್ಳಬಾರದು’ ಎಂದು ಕಿವಿಮಾತು ಹೇಳಿದರು.

“ಸಂಸತ್ತಿನಲ್ಲಿ ಯಾವತ್ತೂ ಚರ್ಚೆ, ವಿಭಿನ್ನ ನೋಟಗಳ ಪ್ರಸ್ತುತಿ ಇರಬೇಕು. ಈ ಅಧಿವೇಶನವನ್ನು ಹೆಚ್ಚು ಯಶಸ್ವಿಗೊಳಿಸಲು ಎಲ್ಲ ಸಂಸದರೂ ಶ್ರಮಿಸುತ್ತಾರೆಂದು ಸಂಪೂರ್ಣವಾಗಿ ನಂಬಿದ್ದೇನೆ. ನಾನು ಉಭಯ ಸದನಗಳ ಎಲ್ಲ ಸಂಸದರ ಜತೆಗಿದ್ದು, ರಾಷ್ಟ್ರಪತಿ ಅವರ ಮಾರ್ಗದರ್ಶನದಲ್ಲಿ ಮುನ್ನಡೆಯಲು ಸ್ಪಂದಿಸುತ್ತೇನೆ’ ಎಂದು ತಿಳಿಸಿದರು.