ಪ್ರಧಾನಿ ವಿಪತ್ತು ನಿರ್ವಹಣಾ ನಿಧಿಗೆ ಕನ್ನ ಹಾಕಿದ ಆನ್‌ಲೈನ್‌ ಚೋರರು!

ಪ್ರಧಾನಿಯವರ ವಿಪತ್ತು ನಿರ್ವಹಣಾ ನಿಧಿಯಾದ ಪಿಎಂ ಕೇರ್ ಫ‌ಂಡ್‌ನ‌ ಯುಪಿಐ ಐಡೆಂಟಿಟಿಯನ್ನುಬದಲಿಸಿರುವ ಕೆಲವು ಆನ್‌ಲೈನ್‌ ಚೋರರು, ನಿಧಿಗೆ ಬರಬೇಕಿರುವ ದೇಣಿಗೆಗಳನ್ನು ತಮ್ಮತ್ತ ತಿರುಗಿಸಿಕೊಳ್ಳುವ ಹೊಸ ಹಗರಣ ಬೆಳಕಿಗೆ ಬಂದಿದೆ.

ಪ್ರಧಾನಿಯವರ ಪಿಎಂ ಕೇರ್ ಫ‌ಂಡ್‌ನ‌ ಯುಪಿಐ ಐಡಿ “pmcares@sbi’ ಆಗಿದ್ದು, ಇದನ್ನು ಬಳಸಿ, ನಿಧಿಗೆ ದೇಣಿಗೆ ನೀಡಬಹುದು. ಆದರೆ, ಕೆಲವು ಆನ್‌ಲೈನ್‌ ಮೋಸಗಾರರು, ಈ ಐಡಿಯನ್ನೇ ಹೋಲುವ “pmcare@sbi’ ಎಂಬ ನಕಲಿ ಐಡಿ ಸೃಷ್ಟಿಸಿದ್ದಾರೆ.