Pregnant Woman: ಗುಂಡೇಟಿನಿಂದ ಗಂಭೀರ ಗಾಯಗೊಂಡಿದ್ದ ಗರ್ಭಿಣಿ ಮಹಿಳೆ ಮೃತ್ಯು; ಇಬ್ಬರ ಬಂಧನ

ನವದೆಹಲಿ: ನೆರೆಹೊರೆಯ ಮನೆಯವರು ಕ್ಷುಲಕ ಕಾರಣಕ್ಕೆ ಗರ್ಭಿಣಿ ಮಹಿಳೆ ಮೇಲೆ ಗುಂಡು ಹಾರಿಸಿದ ಪ್ರಕರಣಕ್ಕೆ ಸಂಬಂಧಿಸಿ ಗಂಭೀರ ಗಾಯಗೊಂಡಿದ್ದ ಮಹಿಳೆ ಚಿಕಿತ್ಸೆ ಫಲಿಸದೆ ಮೃತಪಟ್ಟಿದ್ದಾರೆ ಎಂದು ಪೊಲೀಸರು ಭಾನುವಾರ ಹೇಳಿದ್ದಾರೆ.

ಘಟನೆ ಹಿನ್ನೆಲೆ: ಗರ್ಭಿಣಿ ಮಹಿಳೆಯಾಗಿದ್ದ ರಂಜು (30) ಏ. 3ರಂದು ರಾತ್ರಿ ನೆರೆಹೊರೆಯ ಹರೀಶ್‌ ಎಂಬಾತನ ಬಳಿ ಹೋಗಿ, ಹರೀಶ್ ನಿವಾಸದಲ್ಲಿ ಜೋರಾಗಿ ಪ್ರಸಾರವಾಗುತ್ತಿದ್ದ ಡಿಜೆಯ ಸೌಂಡನ್ನು ಕಮ್ಮಿ ಮಾಡುವಂತೆ ಹೇಳಿದ್ದಾರೆ.‌ ಇದಕ್ಕೆ ಸಿಟ್ಟಾಗಿ ಮಹಿಳೆಯೊಂದಿಗೆ ವಾಗ್ವಾದಕ್ಕಿಳಿದ ಹರೀಶ್‌ ತನ್ನ ಸ್ನೇಹಿತ ಅಮಿತ್‌ ಅವರ ಗನ್‌ ಹಿಡಿದು ಮಹಿಳೆ ಮೇಲೆ ಗುಂಡು ಹಾರಿಸಿದ್ದಾರೆ. ಆ ಕೂಡಲೇ ಅಕ್ಕಪಕ್ಕದವರು ಮಹಿಳೆಯನ್ನು ಆಸ್ಪತ್ರೆಗೆ ದಾಖಲಿಸಿದ್ದರು. ಕುತ್ತಿಗೆಯ ಭಾಗಕ್ಕೆ ಗಂಭೀರ ಸ್ವರೂಪದ ಗಾಯವಾಗಿತ್ತು. ಹಾಗೂ ರಂಜು ಅವರಿಗೆ ಗರ್ಭಪಾತವಾಗಿತ್ತು.

ಇದನ್ನೂ ಓದಿ: Tragedy: ಧಾರ್ಮಿಕ ಕಾರ್ಯಕ್ರಮ ವೇಳೆ ಮಳೆ; ಶೆಡ್‌ ಮೇಲೆ ಮರ ಬಿದ್ದು 7 ಮಂದಿ ಭಕ್ತರು ಮೃತ್ಯು

ಗಂಭೀರ ಸ್ಥಿತಿಯಲ್ಲಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಮಹಿಳೆ ಕೊನೆಯುಸಿರೆಳೆದಿದ್ದಾರೆ. ಪ್ರಕರಣದ ಬಳಿಕ ಆರೋಪಿಗಳಾದ ಹರೀಶ್‌ ಹಾಗೂ ಅಮಿತ್‌ ನನ್ನು ವಶಕ್ಕೆ ಪಡೆಯಲಾಗಿತ್ತು. ಇದೀಗ ಮಹಿಳೆಯ ಸಾವಿನ ಬಳಿಕ ಆರೋಪಿಗಳನ್ನು ಸೆಕ್ಷನ್‌ 302 ರ ಅಡಿಯಲ್ಲಿ ಎಫ್‌ ಐಆರ್‌ ದಾಖಲಿಸಿ ಬಂಧಿಸಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.