Advertisement
10 ಲಕ್ಷ ರೂ. ವೆಚ್ಚದ ಕಿರುಸೇತುವೆಸುಮಾರು 3 ವರುಷಗಳ ಹಿಂದೆ ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ನೇತೃತ್ವದಲ್ಲಿ 10 ಲಕ್ಷ ರೂ. ವೆಚ್ಚದಲ್ಲಿ ನಿರ್ಮಾಣ ಗೊಂಡ ಕಿರುಸೇತುವೆ ಪೂರ್ಣಗೊಳ್ಳದಿರುವುದು ಆ ಭಾಗದ ನಿವಾಸಿಗಳಿಗೆ ನಿತ್ಯ ಗೋಳಿನ ಕತೆಯಾಗಿದೆ. ಬಹಳಷ್ಟು ನಿರೀಕ್ಷೆ ಹಾಗೂ ಆತಂಕದ ವಾತಾವರಣದಿಂದ ಮುಕ್ತಿ ದೊರಕೀತು ಎಂಬ ಆಶಾಭಾವನೆಯಿಂದ ಜೀವಿಸುತ್ತಿರುವ ಮಂದಿಗೆ ನಿರಾಶೆಯಾಗಿದೆ.
ಹೊಳೆಯ ಮರದ ದಿಣ್ಣೆ ಮಾರ್ಗ
ಸನ್ಯಾಸಿಬೆಟ್ಟು ಪರಿಸರದಲ್ಲಿ ವಾಸವಾಗಿರುವ 8,10 ಕುಟುಂಬಗಳಿಗೆ ಚಿತ್ತೂರು ಪೇಟೆಗೆ ಬರಲು ದಾಟಬೇಕಾದ ಹೊಳೆಗೆ ಮರದ ದಿಣ್ಣೆ ಜೋಡಿಸಿ ವ್ಯವಸ್ಥೆ ಗೊಳಿಸಲಾಗಿತ್ತು. ಮಳೆಗಾಲದಲ್ಲಿ ಮರದ ದಿಣ್ಣೆಯ ಮೇಲೆ ಸರ್ಕಸ್‌ ಮಾಡಿ ಅಪಾಯದ ನಡಿಗೆಯಲ್ಲಿ ಸಾಗಬೇಕಾದ ಪರಿಸ್ಥಿತಿ ಇತ್ತು. 2 ವರುಷಗಳ ಹಿಂದೆ ತಾಯಿಯೊಡನೆ ಆ ಮಾರ್ಗವಾಗಿ ಶಾಲೆಗೆ ಸಾಗುತ್ತಿದ್ದ ಬಾಲಕಿ ಕಾಲು ಜಾರಿ ಹೊಳೆಗೆ ಬಿದ್ದು ನೀರುಪಾಲಾಗಿ ಮೃತಪಟ್ಟಿದ್ದಳು. ತದನಂತರ ವಯೋವೃದ್ಧರು ಸಹಿತ ಅನೇಕ ಮಂದಿ ಕಾಲು ಜಾರಿ ನೀರಿಗೆ ಬಿದ್ದು ಬದುಕುಳಿದ ಘಟನೆ ನಡೆದಿತ್ತು. ಗ್ರಾಮಸ್ಥರ ಮನವಿಯಂತೆ ಮಾಜಿ ಶಾಸಕರು ಕಿರು ಸೇತುವೆ ನಿರ್ಮಾಣಕ್ಕೆ ಅನುದಾನ ಬಿಡುಗಡೆ ಗೊಳಿಸಿದ್ದರು. ಪೂರ್ಣಗೊಳ್ಳದ ರಿವಿಟ್‌ಮೆಂಟ್‌ ಕಾಮಗಾರಿ
ಕಿರು ಸೇತುವೆಯನ್ನು ಪೂರ್ಣ ಗೊಳಿಸಿರುವ ಕರಾವಳಿ ಅಭಿವೃದ್ಧಿ ಪ್ರಾ ಕಾರ ಮುಂದುವರಿದ 2 ಪಾರ್ಶ್ವದಲ್ಲಿನ ತಡೆಬೇಲಿ ನಿರ್ಮಾಣ ಕಾಮಗಾರಿಯನ್ನು ಪೂರ್ಣಗೊಳಿಸದೇ ಕೈಚೆಲ್ಲಿ ಕುಳಿತಿರುವುದು ಅಲ್ಲಿನ ನಿವಾಸಿಗಳ ನಿರೀಕ್ಷೆಯನ್ನು ಹುಸಿ ಮಾಡಿದೆ. ಸೇತುವೆಯ 2 ಪಾರ್ಶ್ವದಲ್ಲಿನ ಮಣ್ಣಿನ ತಡೆ ಗೋಡೆ ಭಾರೀ ಮಳೆಗೆ ಕೊಚ್ಚಿ ಹೋಗಿದೆ.
Related Articles
Advertisement
ಶಾಸಕರಿಗೆ ಮನವಿನಿರುಪಯೋಗಿ ಸೇತುವೆಯನ್ನು ರಿವಿಟ್‌ಮೆಂಟ್‌ ಮಾಡಿ ಪೂರ್ಣಗೊಳಿಸಲು ಲಕ್ಷಾಂತರ ರೂ. ವೆಚ್ಚ ತಗಲುವುದು. ಪಂ.ನಿಂದ ಅಷ್ಟೊಂದು ಸಂಪನ್ಮೂಲ ಕ್ರೋಡೀಕರಣ ಅಸಾಧ್ಯ. ಬೈಂದೂರು ಶಾಸಕರಿಗೆ ಮನವಿ ಸಲ್ಲಿಸಲಾಗುವುದು.
– ಸಂತೋಷ ಮಡಿವಾಳ,
ಅಧ್ಯಕ್ಷರು, ಚಿತ್ತೂರು ಗ್ರಾ.ಪಂ. ಪರ್ಯಾಯ ವ್ಯವಸ್ಥೆ
ಸನ್ಯಾಸಿ ಬೆಟ್ಟುವಿನ ಕಿರು ಸೇತುವೆಯ ಸಮಸ್ಯೆ ಬಗ್ಗೆ ಸ್ಥಳ ಪರಿಶೀಲನೆ ನಡೆಸಿ ಅದಕ್ಕೊಂದು ಪರ್ಯಾಯ ವ್ಯವಸ್ಥೆ ಒದಗಿಸುವಲ್ಲಿ ಕ್ರಮ ಕೈಗೊಳ್ಳುತ್ತೇನೆ. ಆ ಭಾಗದ ನಿವಾಸಿಗಳ ಆತಂಕ ಬಗೆ ಹರಿಸಲಾಗುವುದು.
-ಬಿ. ಎಂ. ಸುಕುಮಾರ ಶೆಟ್ಟಿ, ಶಾಸಕರು, ಬೈಂದೂರು ಕ್ಷೇತ್ರ ಸಂಪನ್ಮೂಲ ಕೊರತೆ
3 ವರ್ಷಗಳ ಹಿಂದೆ ಕಿರು ಸೇತುವೆ ನಿರ್ಮಾಣಗೊಂಡಿದೆ. ಪೂರ್ಣಗೊಳಿಸಲು ಆ ಸಂಪನ್ಮೂಲ ಕೊರತೆ ಇದೆ. ಶಾಸಕರು ಹಾಗೂ ಜಿ.ಪಂ. ನೆರವಿನೊಂದಿಗೆ ಮಿಕ್ಕುಳಿದ ಕಾಮಗಾರಿ ಪೂರ್ಣಗೊಳಿಸಲು ಪ್ರಯತ್ನಿಸಲಾಗುವುದು.
– ಉದಯ.ಜಿ ಪೂಜಾರಿ,
ತಾ.ಪಂ. ಸದಸ್ಯರು – ಡಾ| ಸುಧಾಕರ ನಂಬಿಯಾರ್‌