ಮಧುರೆ: ಪೆಂಟಾಕೋಸ್ಟಲ್‌ ಚರ್ಚ್‌ ಪ್ರಾರ್ಥನಾ ಗೃಹಗಳ ಮೇಲೆ ದಾಳಿ

ಮಧುರೆ : ಪಂಟಾ ಕೋಸ್ಟಲ್‌ ಚರ್ಚ್‌ ನ ಎರಡು ಕಡೆಗಳಲ್ಲಿರುವ ಪ್ರಾರ್ಥನಾ ನಿವಾಸಗಳ ಮೇಲೆ ದಾಳಿ ನಡೆದಿರುವುದಾಗಿ ತಿಳಿಸಿರುವ ಪೊಲೀಸರು ಇದು ಹಿಂದು ಮುನ್ನಾನಿ ಕಾರ್ಯಕರ್ತರು ನಡೆಸಿರುವ ಕೃತ್ಯವೆಂದು ಶಂಕಿಸಲಾಗಿರುವುದಾಗಿ ಹೇಳಿದ್ದಾರೆ. 

ಪೊಲೀಸರಿಗೆ ಈ ದಾಳಿಗಳ ಬಗ್ಗೆ ದೂರು ನೀಡಿರುವ ಪಾಸ್ಟರ್‌ ರವಿ ಜೇಕಬ್‌ ಅವರು, ಸುಮಾರು 10 ಜನರು ಇದ್ದ ಸಮೂಹವೊಂದು ಪ್ರಾರ್ಥನಾ ಗೃಹದ ಮೇಲೆ ದಾಳಿ ನಡೆಸಿ ಅಲ್ಲಿದ್ದ ಕರಪತ್ರಗಳನ್ನು ಮತ್ತು ಬೈಬಲ್‌ ಪ್ರತಿಗಳನ್ನು ಸುಟ್ಟು ಬೆದರಿಕೆ ಹಾಕಿರುವುದಾಗಿ ಹೇಳಿದ್ದಾರೆ. 

ಈ ದಾಳಿಯ ವಿಡಿಯೋ ಚಿತ್ರಿಕೆ ಈಗ ವೈರಲ್‌ ಆಗಿದ್ದು ದಾಳಿಕೋರರಲ್ಲಿ ಮೂವರನ್ನು ಗುರುತಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. 10 ಹಿಂದು ಮುನ್ನಾನಿ ಕಾರ್ಯಕರ್ತರ ವಿರುದ್ಧ ಕೇಸು ದಾಖಲಿಸಿಕೊಳ್ಳಲಾಗಿದ್ದು ತನಿಖೆ ನಡೆಯುತ್ತಿದೆ ಎಂದವರು ಹೇಳಿದ್ದಾರೆ.

ಇದೇ ವೇಳೆ ಹಿಂದು ಮುನ್ನಾನಿ ಕಾರ್ಯಕರ್ತರು ನಡೆಸಿರುವ ಈ ದಾಳಿಯು ಕ್ರೈಸ್ತ ಮತಾಂತರದ ವಿರುದ್ಧವಾಗಿದೆ ಎನ್ನಲಾಗಿದೆ.