ಪ್ರಧಾನಿ ಅಭ್ಯರ್ಥಿ ಆಯ್ಕೆ:ಪ್ರಶಾಂತ್‌ ಕಿಶೋರ್‌ ವೆಬ್‌ಸೈಟ್‌ ಸರ್ವೆ 

ಹೊಸದಿಲ್ಲಿ: ವಿವಿಧ ರಾಜಕೀಯ ಪಕ್ಷಗಳಿಗೆ ಸಲಹೆಗಾರರಾಗಿರುವ ರಾಜಕೀಯ ತಜ್ಞ ಪ್ರಶಾಂತ್‌ ಕಿಶೋರ್‌, ಇದೀಗ 2019ರ ಲೋಕಸಭಾ ಚುನಾವಣೆಗೆ ಪ್ರಧಾನಿ ಅಭ್ಯರ್ಥಿ ಯಾರಾಗಬೇಕೆಂದು ಜನರಿಂದ ಅಭಿಪ್ರಾಯ ಸಂಗ್ರಹಿಸಲು ಮುಂದಾಗಿದ್ದಾರೆ. 

ಇದಕ್ಕಾಗಿ, ನ್ಯಾಷನಲ್‌ ಅಜೆಂಡಾ ಫೋರಂ ಎಂಬ ಹೊಸತೊಂದು ವೆಬ್‌ಸೈಟ್‌ಗೆ ಚಾಲನೆ ನೀಡಿದ್ದಾರೆ. ಈ ಜಾಲತಾಣಕ್ಕೆ ಜನಸಾಮಾನ್ಯರು ಭೇಟಿ ನೀಡಿ, ಅಲ್ಲಿ ತಮ್ಮ ಆಯ್ಕೆಯ ಅಭ್ಯರ್ಥಿಗಳನ್ನು ಆಯ್ಕೆ ಮಾಡಬೇಕಿದೆ. ಆ. 14ರವರೆಗೆ ಆಯ್ಕೆ ಸಲ್ಲಿಸಲು ಅವಕಾಶವಿದ್ದು, 15ರಂದು ಫ‌ಲಿತಾಂಶ ಬರಲಿದೆ. 

ಈ ಪ್ರಕ್ರಿಯೆ 3 ಹಂತದಲ್ಲಿ ಇರಲಿದೆ. ಮೊದಲಿಗೆ, ರಾಷ್ಟ್ರದ ತುರ್ತಾಗಿ ಸುಧಾರಣೆ ಆಗಬೇಕಿರುವ 10 ಕ್ಷೇತ್ರಗಳನ್ನು ಆಯ್ಕೆ ಮಾಡಬೇಕು. 2ನೇ ಹಂತದಲ್ಲಿ ಅಭ್ಯರ್ಥಿಗಳ ಪಟ್ಟಿಯಲ್ಲಿರುವ ಮೋದಿ, ರಾಹುಲ್‌, ದೇವೇಗೌಡ ಮುಂತಾದ ವರಲ್ಲಿ ಒಬ್ಬರನ್ನು ಆಯ್ಕೆ ಮಾಡಬೇಕು. 3ನೇ ಹಂತದಲ್ಲಿ ನಿಮ್ಮ ವೈಯಕ್ತಿಕ ಮಾಹಿತಿ ಸೇರಿಸಬೇಕು.