ವೇಣೂರು: ಚಾತುರ್ಮಾಸ್ಯ ಆಚರಣೆಗೆ ವೇಣೂರಿಗೆ ಪುರಪ್ರವೇಶ ನೀಡಿದ ಪುಷ್ಪದಂತ ಶ್ರೀ ಪ್ರಸಂಗ ಸಾಗರ್‌ಜೀಯವರು ವೇಣೂರು ಐತಿಹಾಸಿಕ ಶ್ರೀ ಬಾಹುಬಲಿ ಕ್ಷೇತ್ರಕ್ಕೆ ಆಗಮಿಸಿ ಶ್ರೀ ಗೋಮಟೇಶ್ವರ ಸ್ವಾಮಿಗೆ ಪೂಜೆ ಸಲ್ಲಿಸಿದರು. ಈ ವೇಳೆ ಸನಿಹದ ಪಾರ್ಶ್ವನಾಥ ಕಲ್ಲು ಬಸದಿಗೂ ತೆರಳಿ ದರ್ಶನ ಪಡೆದರು. ಮುನಿಶ್ರೀಗಳು ಜು.7ರಿಂದ ಅ.19ರವರೆಗೆ ಚಾತುರ್ಮಾಸ್ಯ ಕೈಗೊಳ್ಳಲಿದ್ದಾರೆ.
ಕಚೇರಿ ಉದ್ಘಾಟನೆ
ಚಾತುರ್ಮಾಸ್ಯದ ಹಿನ್ನೆಲೆಯಲ್ಲಿ ವ್ಯವಸ್ಥೆಗೊಳಿಸಲಾದ ಚಾತುರ್ಮಾಸ್ಯ ವ್ಯವಸ್ಥಾಪನ ಸಮಿತಿಯ ಕಚೇರಿಯನ್ನು ದ.ಕ. ಜಿಲ್ಲಾ ಉಸ್ತುವಾರಿ ಸಚಿವ ಬಿ. ರಮಾನಾಥ ರೈ ಉದ್ಘಾಟಿಸಿದರು. ಈ ವೇಳೆ ವಿವಿಧ ಸಮಿತಿ ಪದಾಧಿಕಾರಿಗಳು ಹಾಗೂ ಶ್ರಾವಕ ಬಂಧುಗಳು ಉಪಸ್ಥಿತರಿದ್ದರು.
