ನವದೆಹಲಿ: ಲಂಡನ್ ಮೂಲದ ಸ್ಮಾರ್ಟ್ ಫೋನ್ ಬ್ರ್ಯಾಂಡ್ ನಥಿಂಗ್ ಪ್ರಣಯ್ ರಾವ್ ಅವರನ್ನು ಭಾರತದ ಮಾರ್ಕೆಟಿಂಗ್ ಡೈರೆಕ್ಟರ್ ಆಗಿ ನೇಮಕ ಮಾಡಿದೆ.
ಪ್ರಣಯ್ ಅವರು ಉದ್ಯಮದ ಅನುಭವಿಯಾಗಿದ್ದು, ಮಾರ್ಕೆಟಿಂಗ್, ಮಾರಾಟ ಮತ್ತು ಬ್ರಾಂಡ್ ತಂತ್ರದಲ್ಲಿ 17 ವರ್ಷಗಳ ಅನುಭವವನ್ನು ಹೊಂದಿದ್ದಾರೆ.
ನಥಿಂಗ್‌ನಲ್ಲಿ, ರಾವ್ ಅವರು ಮಾರ್ಕೆಟಿಂಗ್ ತಂಡವನ್ನು ಮುನ್ನಡೆಸುತ್ತಾರೆ. ನೇಮಕಾತಿ ಕುರಿತು ಮಾತನಾಡಿದ ನಥಿಂಗ್ ಇಂಡಿಯಾದ ವಿಪಿ ಮತ್ತು ಜಿಎಂ ಮನು ಶರ್ಮಾ, “ನಮ್ಮ ಸಂಸ್ಥೆಗೆ ಪ್ರಣಯ್ ಅವರನ್ನು ಸ್ವಾಗತಿಸಲು ನಾವು ಉತ್ಸುಕರಾಗಿದ್ದೇವೆ. ಗ್ರಾಹಕ ಬ್ರಾಂಡ್‌ಗಳ ಬಗ್ಗೆ ಅವರ ವ್ಯಾಪಕ ಅನುಭವ ಮತ್ತು ಭಾರತೀಯ ಮಾರುಕಟ್ಟೆಯ ಅವರ ತಿಳುವಳಿಕೆ ಮತ್ತು ಒಳನೋಟಗಳೊಂದಿಗೆ, ಅವರು ಭಾರತದಾದ್ಯಂತ ನಮ್ಮ ಹೆಜ್ಜೆಗುರುತನ್ನು ವಿಸ್ತರಿಸಲು ನಮಗೆ ಸಹಾಯ ಮಾಡುತ್ತಾರೆ ಎಂದು ನನಗೆ ಖಾತ್ರಿಯಿದೆ ಎಂದರು.
ಈ ಸಂದರ್ಭದಲ್ಲಿ ಪ್ರಣಯ್ ರಾವ್ ಮಾತನಾಡಿ“ನಥಿಂಗ್ ಜೊತೆ ನನ್ನ ಮೊದಲ ಅನುಭವವೆಂದರೆ ಇಯರ್ (1) ಹೆಡ್‌ಫೋನ್‌ಗಳು ಅದರ ವಿಶಿಷ್ಟ ವಿನ್ಯಾಸ ಮತ್ತು ವೈಶಿಷ್ಟ್ಯಗಳೊಂದಿಗೆ ತಕ್ಷಣವೇ ನನ್ನ ಗಮನವನ್ನು ಸೆಳೆಯಿತು. ಟೆಕ್ ಜಗತ್ತನ್ನು ಪುನರುಜ್ಜೀವನಗೊಳಿಸುವ ಈ ಯುವ, ಕ್ರಿಯಾತ್ಮಕ ಸಂಸ್ಥೆಯ ಭಾಗವಾಗಲು ಸಂತೋಷವಾಗಿದೆ ಎಂದರು.
ನಥಿಂಗ್‌ಗೆ ಸೇರುವ ಮೊದಲು, ಪ್ರಣಯ್ ಯೂನಿಲಿವರ್ ನೆದರ್‌ಲ್ಯಾಂಡ್ಸ್‌ನಲ್ಲಿದ್ದರು. ಲಿಪ್ಟನ್ ಟೀ, ಇನ್ಫ್ಯೂಷನ್‌, ಐಟಿಸಿ, ಕ್ರಾಫ್ಟ್ ಹೈಂಜ್ ಮತ್ತು ಕಿಂಬರ್ಲಿ ಕ್ಲಾರ್ಕ್‌, ಕಾಂಪ್ಲಾನ್, ಹಗ್ಗೀಸ್ ಮತ್ತು ವಿವೆಲ್‌ ಕಂಪೆನಿಗಳಲ್ಲಿ ಕೆಲಸ ನಿರ್ವಹಿಸಿದ್ದಾರೆ ಎಂದು ಪ್ರಕಟಣೆ ತಿಳಿಸಿದೆ.
