ರಾಜಕೀಯ ಬದುಕಲ್ಲಿ ಬಹಳ ಪ್ರೀತಿ ದೊರೆತಿದೆ: ಪ್ರಣಬ್‌

ಕೋಲ್ಕತ್ತಾ: “ನನ್ನ ಸುದೀರ್ಘ‌ ವೃತ್ತಿ ಜೀವನದಲ್ಲಿ ರಾಜಕೀಯ ಸಹೋದ್ಯೋಗಿಗಳಿಂದ ಮತ್ತು ಜನತೆಯಿಂದ ನನಗೆ ಅಪಾರ ಪ್ರೀತಿ ದೊರಕಿದೆ’.

ಹೀಗೆ ಹೇಳಿದವರು ರಾಷ್ಟ್ರಪತಿ ಪ್ರಣಬ್‌ ಮುಖರ್ಜಿ. ಇದೇ 24ರಂದು ರಾಷ್ಟ್ರಪತಿಯಾಗಿ 5 ವರ್ಷದ ತಮ್ಮ ಅಧಿಕಾರಾವಧಿ ಮುಗಿಸುತ್ತಿರುವ ಅವರು ತಮ್ಮ ಸಾರ್ವಜನಿಕ ಜೀವನದ ಕುರಿತು ಕೋಲ್ಕತ್ತಾದಲ್ಲಿ ತೃಪ್ತಿಯ ಮಾತುಗಳನ್ನಾಡಿದರು. ಕೋಲ್ಕತ್ತಾದಲ್ಲಿ ಆರ್ಟ್‌ ವರ್ಕ್ಸ್ ಅಕಾಡೆಮಿಯಲ್ಲಿ ವಸ್ತುಪ್ರದರ್ಶನ ಉದ್ಘಾಟಿಸಿ ಮಾತನಾಡಿದ ಅವರು ಹೀಗೆ ಹೇಳಿದರು. “ಸಚಿವನಾಗಿ, ಲೋಕಸಭೆ ಸದಸ್ಯನಾಗಿ, ರಾಷ್ಟ್ರಪತಿಯಾಗಿ ಹಲವಾರು ವರ್ಷಗಳ ನನ್ನ ರಾಜಕೀಯ ಜೀವನದಲ್ಲಿ ನನಗೆ ಸಾಕಷ್ಟು ಪ್ರೀತಿ ಸಿಕ್ಕಿದೆ. ಬಹುಶಃ ಕೋಲ್ಕತ್ತಾಗೆ ರಾಷ್ಟ್ರಪತಿಯಾಗಿ ಇದೇ ನನ್ನ ಕೊನೆಯ ಭೇಟಿ’ ಎಂದರು. ಇದೇ ವೇಳೆ, ಪ್ರಣಬ್‌ ಕುರಿತು ಇತ್ತೀಚೆಗೆ ಬಿಡು ಗಡೆಯಾದ 2 ಕಿರುಹೊತ್ತಿಗೆಗಳಾದ, “ಪ್ರೊಫೈಲ್‌ ಆ್ಯಂಡ್‌ ಪಸೋìನಾ ಆಫ್ ಪ್ರಣಬ್‌ ಮುಖರ್ಜಿ’ ಮತ್ತು “ಪ್ರಣಬ್‌ ಮುಖರ್ಜಿ ಹಂಡ್ರೆಡ್‌ ಫ್ರೆàಮ್ಸ್‌’ ಗಳನ್ನು ರಾಜ್ಯಪಾಲ ಕೇಸ‌ರಿನಾಥ್‌ ತ್ರಿಪಾಠಿ ಅವರು ಪ್ರಣಬ್‌ರಿಗೆ ನೀಡಿದರು.